Sioqqutsisumik tusarniaaneq

Ilusilersuinermut pilersaarut

Siunissami illoqarfiit qanoq pitsanngorsarluguluunniit ineriartortinneqarsinnaanera pillugu takorluugaqarpit imaluunniit isumaliuteqarpit? Taava maannakkumit 22.08.2022-p tungaanut siunnersuutitit kommunimut nassiunnissaannut periarfissaqarputit. Uummannami ineriartortitsinermut pilersaarutip nutaap suliarinissaanut siunnersuutitit atorneqassapput. Pilersaarutip illoqarfinni siunissami periarfissat takutissavai, aammalu illoqarfik qanoq ililluni innuttaasunut sapinngisamik pitsaanerpaamik iluarsiivigineqarsinnaanersoq takutillugu.

 

Nunap assinga immersoruk Uummannamilu Sullissivimmut tunniullugu, imaluunniit kommunep pilersaarusiorfiata nittartagaanut aajuk Pilersaarusiornermullu immikkoortortaqarfimmut kingusinnerpaamik ulloq 22.08.2022 nassiuguk.

 

Uummannami pisuinnaat aqqutaat illoqannginnersallu

Tassaasinnaavoq pisuinnaat aqqutaat, naapittarfiit immikkut ittut, imaluunniit kikkut tamarmik tikittagaannik illoqannginnersat qanoq pitsanngorsarneqarsinnaanerinut isumassarsiaqartutit.

Link - Uummannami pisuinnaat aqqutaat illoqannginnersallu

 

Uummannami inuutissarsiorfiit umiarsualiviillu

Tassaasinnaavoq inuutissarsiorfinnut umiarsualivinnullu sumiiffiit qanoq ineriartortillugillu inuutissarsiutinik ingerlatsisunut iluaqutaasumik pitsanngorsarsinnaanerinut isumassarsiaqartutit.

Link - Uummannami inuutissarsiorfiit umiarsualiviillu

 

Uummannami illoqarfimmi inuuneq aamma takornariartitsineq

Tassaasinnaavoq siunissami pisiniarfiit, akunnittarfiit assingisaallu inissiffissaannik illoqarfiup qeqqani sumiiffiit sumi ineriartortissallugit pitsaasuusinnaaneranik isumassarsiaqartutit.

Link - Uummannami illoqarfimmi inuuneq aamma takornariartitsineq

 

Uummannami inissiat

Tassaasinnaavoq inissiaqarfioreersut qanoq ineriartorteqqinnissaannut, illut suussusaat sanaartussallugit periarfissaasut sorliit, aammalu siunissami inissiaqarfissat sumi inissinnissaannut isumassarsiaqartutit.

Link - Uummannami illoqarfimmi inuuneq aamma takornariartitsineq

Link - Uummannaq

Avannaata Kommunia
Pilersaarusiornermut immikkoortortaqarfik/Planafdelingen
Postboks 1023
3952 Ilulissat
plania@avannaata.gl

Matumuuna Ilulissat avannaatungaanut ineriartortitsinissamut pilersaarusiaq sapaatit akunnerini arfinilinni tamanut tusarniaassutigineqarpoq.

Pilersaarutip siunertaa

Pilersaarummi Ilulissat avannaatungaani siunissami ineriartorfissatigut periarfissat allaaserineqarput.

Tassani pilersinniarneqarput ineriartorfissatigut periarfissat pioreersut aallaavigalugit, ineriartornermi periarfissanut sinaakkutissat inissinneqarnissaat siunertaraat, mittarfittaassap nassatarisassai eqqarsaatigalugit. Pilersaarut mikisualuttutigut pituttuisutut paasineqassanngilaq. Taassumap annermik najoqqutassat pingaarnerit inissippai, siunissamilu ineriartornermi tunngaviusussat ataatsimoorussat pilersinnissaannut sakkussaalluni illoqarfitsinnut iluaqutaasinnaasoq, siunissami kommunimut aammalu Ilulissanut, avannaatalu alliartornissaanullu peqataarusuttunut.

Pilersaarutip imarisai

Pilersaarutip allaaserai Ilulissat avannaatungaata illoqarfittut ineriartornissamut periarfissaat. Uani aamma ilaatigut nunap iluani pitsanngorsaanissamut tunngaviusussat, ilaatinneqarluni mittarfimmut aqqutasinnaasoq alla. Pilersaarummi immikkoortinneqarputtaaq inuussutissarsiornermut immikkoortortaqarfissat nutaat, umiarsualivissarlu mittarfiup qanittuani, aammattaarlu inissialiorfissat kiisalu qitiusoqarfissat, hotelinillu sanaartornissamut periarfissat nutaat. Taakku saniatigut illoqarfiup ineriartortinneqarnissaanut periarfissat qulaajarneqarput massakkutut itsillugu illoqarfiup ineriartortinnissaa, kiisalu erngup/imeqarfimmut killeqarfiup allanngortinneqarneratigut ineriartornissamut periarfissat.

Pilersaarut sapaatit akunneri arfinillit tusarniaassutigineqassaaq ulloq 27.11.2020 tungaanut.

Piffissami tassani kikkut tamarmik periarfissaqarput oqaaseqaatinik akerliunermut nalunaarutinik nassiussaqarnissaminnut uunga: plan@avannaata.gl

Ilusilersuinermut pilersaarut (9.7 MB)

Ilusilersuinermut pilersaarut (3.6 MB)