Aningaasaqarnerneq pillugu pilersaarusiorneq

Akileraartarnermut atugarissaarnermullu ataatsimiititaliarsuup isumaliutissiissutaa

Akileraartarnermut atugarissaarnermullu ataatsimiititaliarsuaq (AAA) 2009-mi Naalakkersuisunit pilersinneqarpoq, ataasimiititaliatut arlaannut attuumassuteqanngitsutut. Suliassap ilagaa atugarissarnermut tunngasut aamma akileraartarnermut akitsuutinullu tunngasut, imminut pilersorlernerup nukittorsarneqarnissaa, isertiatigut assigiinngissutsit nungusarneqarnissaat, allaffissornermilu malittarisassat oqilisarneqarnissaat pingaartillugit. Piumasaqaataasoq tassaavoq: ”Maannamut killiffik periarfissaanngilaq”. 2011-mi AAA-p suliani naamassivaa isumaliutissiissummik suliaqarnermigut ”Atugarinnitta aamma atugarissaarnerup – maannakkorpiaq qanoq iliuuseqarnissarput pisariaqartippaa”.

Atugarissaarneq pillugu ataatsimiititaliarsuup isumaliutissiissutaani Kalaallit-Nunaanni inueaqatigiit unammilligassaat "unamilligassatut marloqiusatut" allaaserineqarput, utoqqaat amerliartuinnartut, peqatigisaanillu inuusuttut amerlasuut ilinniagaqanngitsut. Kalaallit-Nunaat annertoorujussuarmik tapiissutisisarpoq, pisortat aningaasartuutaasa pingajorarterutaat missiliorlugit, taamaattorli tapiissutit atugarissaarnermut kissaatigisanut matussutaasinnaanngillat. Oqimaaqatigiinnginneq pissuteqarpoq, inunnik isumaginninnerup aningaasaqarnerullu oqimaaqatigiinnginnerisa, sukangatitsinerannik.

  • Isumaliutissiissummi saqqummiunneqarpoq, tigussaasumik suleriarnissami, ataatsimoortumik allannguinissamut poortukkatut siunnersuut, pingaartitanik pingasunik toqqammavilerlugu suliaq:
  • Piaartumik suliniut: Pitsaasumik peroriartorneq aamma ilinniagaqarluarneq.
  • Inuiqatigiit oqimaaqatigiinnerat aamma suliffeqarneq: Inuiaqatigiit nakkatsaaliornerat kajumissaarutillu aamma sulinissamut ikorfartuineq.
  • Patajaatsumik aningaasalersuineq: Akileraariaaseq, sulinermut ikorfartuutaasoq,aamma paasiuminartoq assersuunneqarsinnaasorlu. Tapiissutit ikilisarneqassapput.

Isumaliutissiissummi aaliangiussat toqqammaviusut malitseqartinneqarput innersuussutinik pingaarnernik, kingusinnersukkut Naalakkersuisut ”Takorluugaq 2025”-liornerannut, tunngavigineqarsimasumik. Isumaliutissiissut takuneqarsinnaavoq, uani: http://naalakkersuisut.gl/kl-GL

Ukiumoortumik missingersuusiatigut nassuiaasiorneq

Kommunemit ukiumoortumik missingersuutinut nassuiaasiortoqartarpoq ukiumoortumik missingersuusiornermut atatillugu. Taamaasiornikkut qulakkeerneqartarpoq kommunalbestyrelsep nutartikkatigut malinnaatitaajuaannarnissaa aammalu tunngavissiorneqarluni kommunep suliniutaasa aalajangersarnerisigut kiisalu kommunep pilersaarutaata nutarteriffigineqarnerani.

Suliniutit ilaat kommunemit namminermit aningaasaliiffgineqartarput suliniutillu ilaat Namm. Oqartussaniit aningaasaleeqataaffigineqartarlutik. Suliniutinut takussutissiaq kommunep nittartagaani takuneqarsinnaavoq.

Kommunep pilersaarutaanut nassuiaasiami nunap immikkoortuini ataasiakkaani nassuiaasiani ilaatinneqarput sanaartugassatigut kissaatigisat allaaserineri ukiumut aggersumut – ilaatigut kommunep missingersuusiaanut sanilliussassatut, aammali Aningaasanut inatsisissap sanaartugassatigut ilassutaanut. Siunertaavoq iliuusissat siunniussallu ataqatigiinnerisa ersarissarnissaat, aappaatullu sanaartugassatigut tigussaasumik isumalioqqutaasut. Taamaasilluni nassuiaasiaq atorneqarsinnaavoq kommunep missingersuusiornerani suleriutsimut atatillugu atortussiatut tunuliaqutitut.