"Uummannap illoqarfiata ineriartortinneqarnissaa pillugu pilersaarut" tamanut nalunaarutigineqartoq Ulloq 09.04.2024.
Udviklingsplan for Uummannaq
Uummannap illoqarfiata ineriartortinneqarnissaa pillugu Avannaata Kommunia pilersaarusiorsimavoq . Suliaq tamanna aallartinneqarnikuuvoq illoqarfik pillugu siunissami anguniakkat takorluukkallu aallaavigalugit ineriartortitsineq pilersaarusiukkamik ingerlanneqarsinnaaqqullugu.
Ineriartortitsinissamik pilersaarutip siunertaa
Pilersaarummi sammisat assigiinngitsut sammineqarput. Sammineqarput inuussutissarsiorfissat umiarsualiviusinnaasullu, kultoorikkut sunngiffimmilu suliniutit, illoqarfimmi qitiusoqarfiusinnaa-sut, inissialiortiterneq illoqarfiullu alliartorfigisinnaasai. Assersuutigalugu illoqarfiup avannamut kitaatungaani inuussutissarsiorfiusinnaasut, aamma Kangerloqqissup malinnut assiaquserneqarnissaanut, aamma napparsimaviup ataaniit qeqertap tungaanut nunniortoqarsinnaaneranut, tunngasut.
Tamakku saniatigut tatsip imeqarfissatut sillimmataasup killeqarfiata atorunnaarlugu Tasersuaq kaajallallugu illuliortitertoqarsinnaanera takorluukkersaarutigineqarpoq. Illoqarfiup pioreersup sanaartorfissatut atorluarneqarnerusinnaanera takujuminarsarneqarsinnaaneralu eqqartorneqarpt, aamma illut isateriaannaat toqqaviusimasullu atorlugit nutaamik sanaartortoqarsinnaanera.
Pilersaarusiornermi aamma tunngavigineqarpoq tikikkuminarsaanissaq attaveqaasersuutit pitsanngorsarnerisigut, soorlu pisuinnaat aqqutaasa aqqusernillu eqqarsaatigalugit, ineqarfiusut suliffissuaqarfiusullu illoqarfiup sinneranut ataqatigiissaakkamik tikinneqarsinnaanerisa pitsanngorsarnissaat eqqarsaatigalugit.
Ilitsersuut
Ineriartortitsinissamut pilersaarut atuarneqarsinnaavoq link una toorlugu:
Udviklingsplan for Uummannaq
Teknikkeqarfik/Pilersaarusiornermut immikkoortortaqarfik link una atorlugu attavigineqarsinnaavoq: plania@avannaata.gl.
Ilusissatut pilersaarut Aningaasaqarnermut Ataatsimiititaliamit akuerineqarpoq. Pilersaarutip siunissami Ilulissat avannaata tungaanut ineriartortinnissaanut periarfissat nassuiarpai.
Ilusissatut pilersaarut nassaariuk uani
Ineriartortitsinissamut pilersaarutip siunertaa tassaavoq illoqarfioreersup avannaani, ingammik tatsip imeqarfiup aamma Nuuaarsuup eqqaanni illoqarfiup ineriartortitaanissaanut periarfissaasut toqqammavissaannik aalajangersaanissaq. Pilersaarutip periarfissaareersut, aammalu mittarfiup takkuttussap nassatarititaatut ineriartornissamut periarfissat tamakku erseqqissaavigai. Ilusissatut pilersaarut illoqarfimmut, kommunimut, kiisalu allanut Ilulissat aamma Avannaata Kommuniata siunissaanut siuarsarnissaanullu ilaanissamik kissaateqartunut iluaqutaasussamik siunissami ineriartortitsinissamut ataatsimoorussatut tunngavissamik pilersitsisussatut sakkussatut atulertussaassaaq.
Pilersaarutip imai
Ilulissat avannaanut sammivilimmi illoqarfimmik ineriartortitsinissamut periarfissat pilersaarutip nassuiarpai. Ilaatigut attaveqarfinnut pitsanngorsakkanut tunngavigisassat atugassiarineqarput, ilanngullugu allatut qinigassatut mittarfimmut aqqusineq. Pilersaarummi mittarfiup ungasinngisaani inuussutissarsiorfinnut sumiiffiit umiarsualivillu tamarmik nutaat atugassiarineqarput, soorlulusooq aamma inissiaqarfinnik illoqarfiullu qeqqani sumiiffiit, ilaatigut nutaanik akunnittarfiliornissamut periarfissallit atugassiarineqarlutik. Maannakkut illoqarfiup ineriartortinnissaanut, aammalu imeqarfimmut pallitsaaliukkamut killeqarfiup allanngortinneratigut, eqqaavissuullu atorunnaarsinneratigut periarfissat qulaajaavigineqarput.
Ingerlariaqqinnissaq
Ineriartortitsinissamut pilersaarut aallaavittut atorlugu kommunalbestyrelse namminersorlutik oqartussanik oqaloqateqarnermi ilaalersinnaassaaq, aammalu pisortanit namminersortunillu aningaasaliisartunik suleqateqarluni siunissami illoqarfiup ineriartortinnissaanut suliniutinik aallartisaasinnaalissalluni.
Pilersaarut immikkuualuttortanut pituttugaanngilaq, paarlattuanilli illoqarfiup siunissami ineriartortinnissaanut najoqqutassatut isigineqarnerussaaq. Siunissami immikkoortortat ilaannut pilersaarutit ataasiakkaat tamarmik immikkoortillugit tamanut ammasumik tusarniaassutaajuartassapput.
Ilusissatut pilersaarut nassaariuk uani