Immikkoortut allanngutsaalisat tassaapput sanaartorfigineqanngiusavissimasut pilersitsivigineqanngiusavissimasullu. Illuaqqanik piniariartarfinnik annanniarfiusinnaasunillu sanaartortoqarsinnaavoq, ima amerlatigilinngippata, immikkoortortat nunaminertatut pingaarnertut atorneqarnissaanni sanaartorfiusussaanngitsortaannik allannguinermik kinguneqarlutik.
Sumiiffiit immikkoortuinut aalajangersakkat pingaarnerit ataani takuneqarsinnaapput.
Aaliangersakkat aamma Immikkoortu
Pingaarnertut aaliangersakkat kommunip nunaminertanik sanaartornissamut akuersissutinik agguaassisarnerani tunngaviupput.
Nunaminertani O-ni sunngiffimmi illuaqqiorneq ilaatigut akuersissutigineqarsinnaavoq, sunngiffimmi illuaqqat amerlassusaat akulikissussaallu ima annertutigilissanngippat, immikkoortortat nunaminertatut pingaarnertut atorneqarnissaanni sanaartorfiusussaanngitsortaannik allannguinermik kinguneqarlutik. Nunaminertani O-ni qulakkeerneqassaaq sunngiffimmi illuaqqat minnerpaamik imminnut 1000 meterinik akuttussuseqarnissaat. Taamatullu nunaminertanut K-, L- aamma N-inut kiisalu nunaminertani illoqarfiit nunaqarfiillu eqqaanniittuni sunngiffimmi illuaqqiortoqarsinnaanngilaq pineqartunut 1000 meterit inorlugit qanissusilinik.
Illuaqqanut assigiinngitsunut makku atuupput:
| Atuisut | Angissuseq | Portussuseq | Illuliaq | Nunaminertaq | |
|---|---|---|---|---|---|
| Sunngiffimmi illuaraq | Nammineq pigisaq | max 20 m2 | Quleriit 2 max 7,5 m | Akuerisaanngilaq** | + Akuerisaavoq |
| Ajornartorsilernermi-/ Piniariartarfik | Tamanut ammavoq | Piumasaqaa-titaqanngilaq | Quleriit 1 max 5,5 m | Akuerisaanngilaq***** | + Akuerisaavoq |
** Sunngiffimmi illuaraq" nalinginnaasumik sanaartornermut suliatut ingerlanneqassanngilaq, Illuliortiternermut oqartussaasup pisuni ataasiakkaani pisussatut nalilersimanngippagu.
***** Piniariartarfik aamma "Ajornartorsiulernermi illuaqqat" nalinginnaasumik sanaartornermut suliatut ingerlaneqassanngilaq, Illuliortiternermut oqartussaasup pisuni ataasiakkaani pisussatut nalilersimanngippagu.
O-mi immikkoortortat imatut agguataarneqarsimapput:
- O1: Nuna allanngutsaalineqartoq
- O2: Nersutaatinit ivigartorfigineqarsinnaasoq
- O3: Pinngortitamiittoq
O1: Nuna allanngutsaalineqartoq
Nuna allanngutsaalineqartoq tassavoq sanaartornermi eqqugaasimanngitsoq tikinneqanngisaannangajattoq atortussianillu sanaartorfigineqarsimanngitsoq. Ilisarnaatigigajuppaa 5 km. angullugu ungasissusilimmut allaat sumilluunniit sanaartorfiusimanngikkaangami.
O2: Nersutaatinitt ivigartorfigineqarsinnaasoq
Immikkoortoq tassaavoq nersutaatinit ivigartorfigineqarsinnaasoq, soorlu savanit, tuttunit, hestinit, nersussuarnit assigisaannillu, immikkoortortaq ima angitigalunilu naggoritsigissaaq ivigartorfigineqartarnini immikkoortutut allanngutsaalisatut taaneqarsinnaanerminut allannguutigissanagu.
Avannaata Kommunia nersutaatinit ivigartorfigineqarsinnaasumik immik-koortortaqanngilaq.
O3: Pinngortitamiittoq
Pinngortitamiittoq tassaavoq sanaartorfik 5 km.-imik qimallugu ungasissusilimmiittoq. Sanaartorfik tassaasinnaavoq :
- Illoqarfik nunaqarfilluunniit.
- Illuaraqarfiit aasarsiortarfittut.
- Immikkoortut immikkut sammisassaqartitsiviusut.
- Savaateqarfiit, naatitsiveqarfiit, immami inuussutissarsiorfiit, orpippassualeriffiit, qimmiliviit assigisaallu.
- Teknikkut atortulersuiffiit attaveqaatillu.
Inuit aqqusinnersimasaat assartuinermullu aqqusiat minnerusut sanaartukkanut ilaatinneqanngillat.
