Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

Imm. ilaa C15-imiipput sumiiffiit ersarissakkat: C15.1 6.800 m2-it missaanniittoq C15.2 11.200 m2-it missaanniittoq, aamma C15.3 2.700 m2-it missaanniittoq. Sumiiffik ersarissagaq C15.1 akunnittarfeqarnermut neriniartarfeqarnermullu, taakkununngalu atasutut suliarisanut atorneqarsinnaavoq, ilanngullugit pool‘eqarfittut spa‘qarfittullu sumiiffiit. Sumiiffik ersarissagaq A15.2 allanut atanngitsutut ilaqutariit illuinik/arfarleriinnik (illu ataaseq/illunut ataasiakkaanut inissiat marluk) ammasumik-pukkitsumik, række-/kæde- aamma klyngehusinik eqimattumikpukkitsumik illuliornernut, namminersuutigisatut inuutissarsiorfinnut, soorlu illunik tuniniaasartutut, illunik titartaasartutut, ingeniøritut, qarasaasialerinermik siunnersuisartutut, nujalerisartutut assingusutullu ittunut, sumiiffimmut ilanngussorneqarsinnaasunut, aammalu sumiiffimmi illunut ilanngussuunneqarsinnaasunut. Sumiiffik ersarissagaq A15.3 pisortat aqutsinerannut, allaffinnut assingusunullu, kiisalu tamakkununnga atasutut sulianut atorneqarsinnaavoq.

Sumiiffimmiippoq nunaminertaq 2,1 ha missaannik angissusilik

Ammasumik-pukkitsunik illuliat (ilaqutariit illui allanut atanngitsut aamma arfarleriit) qaliaqartinnagit ataatsimik quleriilittut annertunerpaalikkatut sanaartorneqaqqusaapput. Sanaartorfissaq IV-p iluani sanaartukkat iluaqutaasussatut qaliartaqartinnagit marlunnik quleriilikkatut sanaartugaasinnaapput. Eqimattunik-pukkitsunik illuliat (kæde-/række-aamma klyngehusit) iluaqutaasussamik qaliaqartinnagit ataatsimik quleriilittut annertunerpaalikkatut sanaartorneqaqqusaapput. Inuussutissarsiutinut namminersuutinut illuliat iluaqutaasussamik qaliaqartinnagit ataatsimik quleriilittut annertunerpaalikkatut sanaartorneqaqqusaapput. B-1600, Hotel Icefiord, iluaqutaasussamik qaliaqartinnagu annerpaamik marlunnik quleriilittut sanaartorneqarsinnaavoq. Sanaartorfissaq I, akunnittarfimmik suliffeqarfik, iluaqutaasussamik qaliaqartinnagu ataatsimik quleriilittut annertunerpaalikkatut sanaartorneqaqqusaavoq. Sanaartorfissaq II-p, pool’imut spa’mullu atortorissaarutit iluini sanaartukkat annerpaamik ataatsimik quleriilittut sanaartorneqaqqusaapput. Sanaartorfissaq III-p, tulattarfiup iluani sanaartukkat taamaallaat tulattarfittut ittunngortillugit sanaartorneqaqqusaapput. B-2039, Kredsretten, iluaqutaasussamik qaliaqartinnagu annerpaamik marlunnik quleriilittut sanaartorneqarsinnaavoq. Nunaannartap periarfissiineratigut nikingasunik inissisimaffilikkanik sanaartortoqarsinnaavoq.

Kommunip pilersaarutaanut tapiliummi matumani sanaartorfissat atugaareerpata immikkoortortaq inissaqassutsip sinneqarunnaarlugu tamakkkiisumik sanaartorfiusutut isigineqassaaq.

Sumiiffik Jørgen Sverdrupip Aqqutaanit, Qupaloraarsummit aqqusinnianillu marlunnit aqquteqassaaq, kingullerni aappaa taamaallaat akunnittarfimmut aqqutitut atugarineqassalluni. Jørgen Sverdrupip Aqqutaa Ilanngussaq 1-imi takutinneqartutut aqquserngup qeqqanit 10 m-imik aqqusinermi sanaartorfissamut (immikkut killeqarfimmut) ilaavoq. Immikkoortortami aqquserngit sinneri aqquserngup qeqqaniit 3 m-imik aqqusinermi sanaartorfissamut (immikkut killeqarfimmut) ilaapput. Immikkut killeqarfiit teknikkikkut pilersuinermut atugassiaapput, taassumalu iluani sutigulluunniit sanaartortoqaqqusaanngilaq.

Immikkut aaliangersagartaqanngilaq.

Mittarfiit eqqaat piumasaqaatitalinnik kil-leqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mik-kiartortarnermut qangattarsartarnermullu tunngatillugit. Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasis-suseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 67,0 qaangerlugu pilersitsivigeqqusaanngitsumi. Ilulissani mittarfinngortussakkut qutsissutsinut killeqarfilinnik immikkut piumasaqaatita-qarfilinnik peqqussuteqartoqarpoq. Taakkunanut ilaapput mikkiartortarfittut aqqutissiaq (qutsissutsit assigiinngiiaartut), aamma manissutut ingerlavissiaq (naleqqerfimmi 75 meterimi), taannalu aqqutalugineqaqqusaanngilaq.

Imikkut aaliangersagartaqanngilaq.