Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Ataatsimoorfissatut siunertallit

Piffimmi atuinissaq ataatsimoorussassanut siunertalinnut ass., atuarfimmut, suliffeqarfiit, kulturimut- timersornermullu atugassat, atugassanngorlugu aalajangiunneqarpoq, pinngortitamiinnissamut siunertanut aammalu assingusunik pisortatigoortunut kulturikkullu siunertanut, atuarfeqarfimmut attuumassuteqartunut. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Pineqartoq sumiiffik angissuseqarpoq miss. 2 ha -nik imaappoq 20.000 m2-inik.

Sanaartorneq nutaaq quleriinnut 2 -nut nappaasoqarsinnaavoq, illu ataasiinnarmik qulilittut naleqassaaq taanna atassuteqarluni qaliartaanut atorneqarsinnaasumik.

Piffik 1528 m2 -isumik inissaqartitsivoq ilanngussaq 1.-imi takuneqarsinnaasutut sanaartorfissanut inniminnerneqartunut angitigisumik. Sanaartorfiusumi nr. 1 -imi pinnguarartiliortoqarsinnaavoq, ivigaasaaqqanik arsaattarfik, arsamik pinnguartarfik il.il. katillugit 1360 m2.-iusup iluani. Sanaartorfik nr. 2-mi illumik nappaasoqarsinnaavoq kultureqarnermut siunertalimmut, nunaminartamut 168 m2 .-isumik angitigisumi. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Illumiut, Pitoqqiup Aqquserna aamma Nuisariannguamiit aqqusineqarfiussaaq.

Immikkut aaliangersagartaqanngilaq

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 68,0 qaangerlugu pilersitsivigeqqusaanngitsumi.

Immikkut aaliangersagartaqanngilaq