Takorluukkat aamma pingaarnertut iluseq

Avannaata Kommuniata Kommunemut pilersaarutaa 2018-30-mut tikilluaritsi.

Kommunep pilersaarutaa digital-imik suliaavoq takoriaannaanera annertusivoq innuttaasunit, sullissisunit, pisortanit aamma naalakkersuinermik suliaqartunit.

Ataani aajuku Kommunemi pilersaarutit imarisaasa ilamerngi.

Kommunep pilersaarutaata immikkoortuani uani nassuiaatigineqarput pilersaarusiorgine-rani naatsorsuutigisat pingaarnerit Kalaallit Nunaata kommunianut avannarlerpaamut, uku ilaallutik:

  • Takorluugaq pingaarneq, Avannaata Kommuniata ineriartornissaani siunnerfimmik tikkuussisoq.
  • Qulequttat pingaarutillit soorlu makkua, innuttaasut, inoqarfiit, inuussutissarsiutit, sanaartornerup il.il., ineriartorneri pillugit killiffiit allaaserineri.
  • Kommunalbestyrelsip, Avannaata Kommuniata ineriartornissaanut nunaminertallu atorneqarnissaannut, piviusorsiortumik anguniagai.
  • Pilersaarummut nassuiaat, pilersaarutit allat allaaserinerannut tunngassutilik – matumani nuna tamakkerlugu pilersaarusiornermut, aningaasaqarneq pillugu pilersaarusiamut kiisalu, pilersaarup kingullermik allanngortinneraniit, kommunip pilersaarutaanut (sumiiffiit ataasiakkaat pilersaarusiorfigineri, kommuneplanimut ilassutit il.il.), tunngasortai.'
  • Siunnerfik pingaarneq, kommunip ilisarnaataanik, siunniussaanik, aamma siunissami ineriartortitsinissap eqqarsaatigineqarneranik ataatsimoortumik allaaserinnittoq.