Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Ataatsimoorfissatut siunertallit

Immikkoortortap atorneqarnissaaq atuarfik, paaqqinnittarfiit, ilinniartut inaat, kulturimik timersornermillu sammisaqarfiit pisortallu siunartaat taakkununnga ilaasut ineqarfiillu atorlugit ataatsimut siunertant aalajangerneqarpoq. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Pineqartoq sumiiffik angissuseqarpoq miss. 3,6 ha -nik imaappoq 36.000 m2-inik.

Sanaartorfiit 1-4 iluanni sanaartukkat nutaat quleriit pingasut tikillugit sananeqassapput. Sanaartorfiit 5-8 iluanni sanaartukkat nutaat quleriit marluk tikillugit sananeqassapput, tamassuma assigaa qaliani quleriit atorneqartut atorlugit quleriinni ataaseq.

Immikkoortortaq 4.200 m2 -inik sinneruttunik inissaqarpoq, sanaartukkat inaarutaasumik ilusilersornerat apeqqutaalluni. Inissat sinneruttut sanaartorfiit pilersaarummi uani sanaartorfissanngortinneqartut assigaat, tak. nunap assinganik ilangussaq 1. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Nunaminertaq aqqusinertigut maanngaanniit sullinneqarpoq Marralinnguaq. Marralinnguami ilaavoq aqqut sanaartugassaq 7,5 m-ijusoq (sumiiffik piumasaqaateqarfiusoq) aqquserngup qeqqaniit uuttorlugu. Marralinnguamiit aqqummi nutaami aqqut sanaartugassaq m-ijusoq (sumiiffik piumasaqaateqarfiusoq) aqquserngup qeqqaniit uuttorlugu.

Immikkut aaliangersagartaqanngilaq

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 68,0 qaangerlugu pilersitsivigeqqusaanngitsumi. Marralinnguaq aqqusinerlu nutaaq aqqusiniornermut ilaapput. Kisiannili biiinik uninngatitsivik, niusarfik assigisaalu anngusiniap iluani pilersinneqarsinnaapput

Immikkut aaliangersagartaqanngilaq.