Innuttaasut ineriartornerat

Innuttaasut

Kalaallit Nunaanni innuttaasut tallimararterutingajarluinnaarisaat Avannaata Kommunia-ni najugaqarput. Ulloq 1.1.2017-imi kommunip illoqarfiini nunaqarfiinilu inuit 10.647-t najugaqarput. Innuttaasut illoqarfinni sisamani najugaqartut 70 %-iupput sinneruttullu 30 %-it nunaqarfinni 23-iusuni najugaqarlutik. 2007-imi innuttaasut illoqarfimmiut 68 %-iupput, 32 %-it nunaqarfimmiuullutik. 2007-imiilli innuttaasut amerlassusiat inunnik 584-inik ikileriaateqarfiusimavoq tamanna 5,2 %-iulluni, tamannalu Kalaallit Nunaat ataatsimut isigigalugu appariaamminngarnit (-1,4 %) annertuneruvoq. Appariaataasut illoqarfinni (inuit -161) pisimavoq kisiannili nunaqarfinni (-423) appariaateqarfiunerpaasimalluni. Taamaattoq 2006-imiit 2017 tikillugu innuttaasut amerliartoqqissimapput illoqarfinni (+75) nunaqarfinnilu (+72).

2016-2030-imut innuttaasut amerlassusissaannik taggissinermi ilimagineqartoq tassaavoq, tamakkiisuusumik isigalugu innuttaasut 1.800-t missarluinnaanniittunk ikileriarnissaat Kalaallit Nunaanni misigineqassasoq. Taamaattorli taama ingerlaneq assigiinngiiartumik agguataaqqassaaq, tassami illoqarfinni pingaartumillu Nuummi innuttaasut amerliartornissaat naatsorsuutigineqarpoq. 2016-imut taggissineq illoqarfinnut nunaqarfinnullu agguataagaanngilaq kisianni ilimagineqarsinnaavoq, illoqarfinni nunaqarfinnilu inuttusiartorneq assigiinngitsorujussuussasoq aamma siunissami ineriartornissap, ukiuni kingullerni piviusumik ineriartorneq, minnerusumik annerusumilluunniit, assigipajaaginnarumaaraa.

2016-2030-imut innuttaasut amerlassusissaannik taggissinermi ilimagineqartoq tassaavoq, tamakkiisuusumik isigalugu innuttaasut 1.800-t missarluinnaanniittunk ikileriarnissaat Kalaallit Nunaanni misigineqassasoq. Taamaattorli taama ingerlaneq assigiinngiiartumik agguataaqqassaaq, tassami illoqarfinni pingaartumillu Nuummi innuttaasut amerliartornissaat naatsorsuutigineqarpoq. 2016-imut taggissineq illoqarfinnut nunaqarfinnullu agguataagaanngilaq kisianni ilimagineqarsinnaavoq, illoqarfinni nunaqarfinnilu inuttusiartorneq assigiinngitsorujussuussasoq aamma siunissami ineriartornissap, ukiuni kingullerni piviusumik ineriartorneq, minnerusumik annerusumilluunniit, assigipajaaginnarumaaraa.

Suiaaqatigiinnut agguataarineq aamma ukioqatigiiaat

Kalaallit Nunaata sinneranisuut, Avannaata Kommuniani angutit amerlanerupput. Taamaalilluni suiaaqatigiit agguataarnerat imaappoq, angutit 52,6 %-it arnallu 47,4 %-it. Nunaqarfinni arnat illoqarfinninngarnit (47,9 %) ikinnerulaarput (46,3%), kisianni nuna tamakkerlugu sanilliussinerminngarnit, arnat nunaqarfinni najugaqartut amerlanerungaatsiarput (Avannaata Kommuniani nunaqarfinni 46,3 %-illuni, nunatta sinnerani nunaqarfinni 44,8 %-iulluni).

Kommunip innuttaasa sisamararterutaat, meeraapput inuussuttuaraallutillu 16 tikillugit ukiullit. 12 %-it 17-24-inik ukioqarput aamma 55 %-it 25-64-inik ukioqarlutik kiisalu 8 %-it 65-it sinnerlugit ukioqarlutik. Kalaallit Nunaanni ataatsimut isigalugu ukioqqortussutsip agguataarnerata, Avannaata Kommuniani ukioqqortussutsip agguataarnera assigerluinnangajappaa.

Ukiuni kingullerni innuttaasut 7-iniit 16-it tikillugit ukiullit assut ikileriarsimapput, 65-it sinnerlugit ukiullit amerleriarsimallutik.