Upernavik

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut

Nunaminertaq inuutissarsiutinik ingerlataqarnissamik siunertat, allaffissornerup, sulisitsisup sulliffiutaasa, quersuit, assassornerit, iluarsaassisarfiit, tunisassiorfiit, assartuinerillu iluini ingerlatanut atorneqassasoq aalajangiunneqarpoq. Immikkoortortaq immikkoortortanut immikkuualuttortalinnut pingasunut agguataarneqarpoq, takuuk § 13.1 Nunaminertat sanaartorfiunngitsut, ilioqqaanissanut, imaluunniit siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Nunaminertap angissusiata 5,5 ha-t missiliorpaa.

Sanaartukkat nutaat quleriit marluk tikillugit, aammalu nunap naqqanit uuttorlugu annerpaamik 10 meterinik portussusilerlugit sanaartugaasinnaapput. Sanaartorfissaq 6-imi § 14-imi aalajangersakkani immikkuualuttulinni pissutsit nassuiarneqartut aallaavigalugit annerpaamik 6 meterinik portussusilimmi sanaartortoqarsinnaavoq.

Immikkoortortap ilaani sanaartorfissat sisamat, kiisalu sanaartorfissatut immikkoortut arfinilli atugassissutaapput. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Nunaminertaq aqqusinertigut maanngaanniit sullinneqarpoq Mittarfiup Aqquserna Immikkoortortat immikkuualuttortalikkat ataasiakkaat aqqusinneqarnissaannut pissutsit aalajangersakkani immikkuualuttulikkani atugassiaapput (takuuk § 16).

Immikkut aalajangersagartaqanngilaq.

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 171,0 meteri aqqusernillu kote 166,0 qaangerlugu pilersitsivigeqqusaanngitsumi. Immikkoortortaq helistoppimut isumannaallisaavianiippoq, taamaattumillu illuliat sanaartukkallu Mittarfeqarfinnit akuerineqassapput.

Nunaminertami killeqarfilikkamik annertuumik mingutsitsiffiusunik suliffeqarfiliortoqarsinnaavoq. Suliffeqarfimmik mingutsitsisumik pilersitsissagaanni avatangiisimut akuersissummik qinnuteqaateqartoqassaaq Namminersornerullutik Oqartussat nalunaarutaat nr. 11, 20. august 2004- meersoq Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu, tunngavigalugu