Qeqertat

Teknikkimut atortulersuutit attaveqaatillu

Teknikkimut atortut

Nunaminertaq teknikkikut atortulersuutinit, tankeqarfimmit, atorneqassasoq aalajangersarneqarpoq.

Nunaminertap annertussusiata 4.000 m2 missiliorpaa.

Sanaartukkat nutaat 8,0 meterinik portunerpaaffilerlugit sananeqarsinnaapput, taamaattoq tankeqarfik kisimi 12,0 meterinik portunerpaaffilerlugu sananeqarsinnaavoq

Immikkut aaliangersagartaqanngilaq

Nunaminertamiit nunaqarfiup immikkoortuinut ingerlatsivinnullu allanut aqqutit, illernit, aqqusineeqqallu atorlugit qulakkeerneqassaaq.

Immikkut aaliangersagartaqanngilaq

Tankeqarfiit sillimaffiginiarneqartarnerinut atasumik killeqarfilersuisarnernut immikkoortortaq ilaavoq. Sillimaniarneq eqqarsaatigalugu killeqarfik tankip sinaaniit 20 meterinik ungasissulimmik tanki kaajallallugu killeqartinneqassaaq. Immikkoortortami tassani sanaartortoqaqqusaassanngilaq imaluunniit killeqarfiup aalajangersagartaanut akerliusumik atuisoqaqqusaanani.

Nalinginnaasumik sillimaniarnikkut assigiiaartumik maleruagassat, ”Imerpalasunut ikuallajasunut teknikkikkut maleruagassat” tankeqarfiup malittussaavai, taakku Namminersornerullutik Oqartussat ikuallajasut pillugit nalunaarutaat nr. 9, 6. marts 1987-imeersoq naapertorlugu saqqummersinneqarput. Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaat nr. 14, 26. maj 2010-meersoq takuuk. Immikkoortortami suliffeqarfiit immikkut ittumik mingutsitsisinnaasut pilersinneqaqqusaapput. Suliffeqarfimmik immikkut ittumik mingutsitsisinnaasumik sanaartortoqassatillugu, Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu Namminersornerullutik Oqartussat nalunaarutaat nr. 11, 20. august 2004- meersoq malillugu avatangiisinut akuersissut qinnuteqaatigineqassaaq.