Qeqertaq

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

Aaliangiunneqarpoq nunaminertaq qitiusumik ingerlatanut, soorlu atuarfinnut, oqaluffimmut, illunut sullivinnut aamma ataatsimiittarfinnut allanullu assingusunut atorneqassasoq

Nunaminertap annertussusiata 2 ha missiliorpaa

Nutaanik sanaartortoqarsinnaavoq init quleriit marluk angullugit

Nutaanik ataasiakkaanik inissialiortoqarsinnaavoq/qitiusumik atuuffinnik sanaartortoqarsinnaavoq tigussaasumik nalilersuisimaneq aallaavigalugu. Tigussaasumik nalilersuereernermi illumut pioreersumut ilassusiinissamik periarfissaqarpoq.

Nunaminertamiit nunaqarfiup immikkoortuinut ingerlatsivinnullu allanut aqqutit, illernit, aqqusineeqqallu atorlugit qulakkeerneqassaaq

Immikkut aaliangersagartaqanngilaq

Nunaminertaq tankeqarfinnut isumannaallisaanermut killigititap iluaniippoq. Isumannaallisaanermut killigititaq tankeqarfiup avammut killinganiit, 20 meterinik radius-eqarpoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani. Nunaminertaq helistop-imut akornusersuutitaqarfiusussaanngitsumik killiliussap (timminermi qulaanneqartartumut aamma qangattarsartarfimmut) iluaniippoq, tassani sanaartukkat qaliaasa qummut portunerpaaffissaat aamma sanaartukkat sivinganeri assigiingisitaarput qangattarsartarfimmiit aamma mikkiartortarfimmiit naatsorsuullugit.

Sanaartukkat nutaat nunaminertami sanartukkanut pioreersunut, inissiffissaat, ilusilersorneri sanaartukkatullu isikkui, pingaartumik illuliat eriagisariallit immikkut eqqarsaatigalugit naleqqussarneqassapput .