1606-B01 - Innaallagissiorfiup eqqaani umiarsualivik

1606-B01 (gl)

static-map
Henter...
static-map
  • Sumiiffik - illoqarfik / nunaqarfik

    Nuussuaq

  • Siunertaq

    Inuussutissarsiornermut atorneqartut umiarsualiveqarfiillu

  • Atorneqarnissaa immikkut ittumik

    Sumiiffiit inuussutissarsiornermut atorneqartut umiarsualiveqarfiillu

  • Atorneqarnissaa

    Aaliangiunneqarpoq nunaminertaq inuussutissarsiutinik ingerlataqarnissamik siunertanut, allaffissornerup, suliffissuaqarnerup, toqqorsiveqarnerup, assassorluni sulinerup, iluarsaassisarfeqarnerup, nioqqutissiornerup, assartuinerup inissititeriffeqarnerullu iluini ingerlatanut kiisalu umiarsualiveqarnermi siunertanut, soorlu talittarfinnut sissarsuarnullu, quersuarnut umiarsualivimmilu ingerlatanut allanut assingusunut atorneqassasoq. Imartaa kisarsimaarfittut pituttortarfittulluunniit atorneqarsinnaavoq. Nunaminertat sanaartorfiunngitsut, ilioqqaanissanut, imaluunniit siunertanut allanut atugaanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik

  • Pissutsit atuuttut

    Immikkoortortamiippoq nunataq 2690 m2-it missaannik annertussusilik.

  • Sanaartorfik

    Ilanngussaq 1-imi takutinneqartutut sanaartorfissami nalunaarsugaasumi sanaartukkat nutaat sanaartorneqarsinnaapput. Nutaanik sanaartortoqarsinnaavoq annerpaamik 10,0 meterinik portussusilinnik

  • Inissaq sinneruttoq

    Inuussutissarsiorfimmi sanaartukkat sanaartorfissat atugassiaasut taakku iluini sanaartugaasinnaapput.

  • Angallanneq pilersuinerlu

    Nunaminertamiit nunaqarfiup immikkoortuinut ingerlatsivinnullu allanut aqqutit, illernit, aqqusineeqqallu atorlugit qulakkeerneqassaaq. Angallavittut aqqusinermik pisuinnarnullu aqqusinernik annikinnerusunik allannguisoqarsinnaavoq, tamanna nunaqarfimmi attaveqarnermut iluaqutaatillugu, aammalu kommunalbestyrelsip akuersissuteqarneratigut pissappat.

  • Eqqissisimatitat allanngutsaaliukkallu

    Immikkut aalajangersagartaqanngilaq.

  • Immikkut aalajangersaaffigisat

    Imm. ilaa E04-mi Nukissiorfiit tankeqarfiata qeqqanit aallaavilikkamik imm. ilaa B01-imi isumannaallisaaffissaq atugassiarineqassaaq. Isumannaallisaaffiup taassuma iluani nunaminertamik atuinerit, soorlu usit puuini inissiinernut Tekniske forskrifter for brandfarlige væsker, Gældende for Grønland (1987) naapertorlugu flammeskærmimik ivertitaqarnissamik pisariaqartitsipput. Tankeqarfimmut pituttugaasumik § 11.1- imi isumannaallisaaffissaq taaneqartoq meterinik 15-inik radiuseqarpoq. Tankeqarfik nuunneqassappat assinganik isumannaallisaaffik nuussaaq. Imm. ilaanik B01-imik isumannaallisaaffik sunniiunnaartillugu tankeqarfik nuunneqassappat isumannaallisaaffiup tassani atornissaa eqqarsaatigisariaqarunnaassaaq.

  • Immikkut aalajangersakkat

    Nunaminertami killeqarfilikkamik annertuumik mingutsitsiffiusunik suliffeqarfiliortoqarsinnaavoq. Suliffeqarfimmik mingutsitsisumik pilersitsissagaanni avatangiisimut akuersissummik qinnuteqaateqartoqassaaq Namminersornerullutik Oqartussat nalunaarutaat nr. 11, 20. august 2004-meersoq Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu, tunngavigalugu