Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Ataatsimoorfissatut siunertallit

Sumiiffiup atuuffissaa ilusilersuinermi imalt nutaanik sanaartornissamut aalajangersaavigineqassaaq qitiusumik siunertaqartumut atalerpat nutaanik ilaqutariinut illuliornikkut, sulisunut inissialiornermut, inuussutissarsiorfittut, neriniartarfittut, qitiusumik atuuffeqarfittut, biilinut uninngatitsivittut aamma pisaria-qartutigut teknikkikkut sanaartukkatigut il.il. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Immikkoortup annertussusiata 23.600 m2 missiliorpaa.

Nutaanik sanaartortoqarsinnaavoq init quleriit marluk angullugit.

Illut nutaat sananeqarsinnaapput, ilanngussaq 1-imi sanaartorsissani takutinneqartut iluini. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Immikkoortoq Sermermiut Aqq. aqqusineqarnermut attaveqassaaq.

Immikkut ittumik aalajangersagaqanngilaq.

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri sipporsimassanngilaat aqqusernillu kote 67,0 qaangerlugu sananeqaqqusaanngillat. Sermermiut aqqutaa Aqq. aappaatut inississaaq tassani ilaalluni aqquserngup qeqqaniik 10 meter avammut killeqarfeqartussaanera.

Immikkut ittumik aalajangersagaqanngilaq.