Ilulissat

Najugaqarfiit

Akuleriinnik inissiaqarfik

Immikkoortup A29-ip annikitsortalersukkatut immikkoortut makku imarai:
A29.1 32.300 m2-it missaannik angitigisoq, A29.2 4.100 m2-it missaannik angitigisoq aamma A29.3 3.800 m²-it missaannik angitigisoq.
Annikitsortalersukkatut immikkoortoq A29.1 ilaqutariit illuisut aamma illutut arfarleriittut napparissutut inissianut killeqartutut ammasumikpukkitsumik sanaartornissamut atorsinnaavoq.
Annikitsortalersukkatut immikkoortoq A29.2 inissianut quleriinnut sanaartornissamut atorsinnaavoq.
Imm. A29.3 akunnittarfittut imaluunniit vandrerhjemmitut ittunut inuutissarsiorfimmut siunertanut atorneqarsinnaavoq.
Imm. ilaani A29-p tamarmiusup iluani illuni inissianut siunertanut atorneqartunut inuutissarsiutigisanik ingerlatsisoqarsinnaavoq. Pineqarput inuutissarsiutit, illuni najugaqarfiusuni naliginnarmik ingerlanneqartartut, makku tunngavigineqassallutik:
- suliffiusoq illunik pineqartumi najugaqartuusumit ingerlanneqassasoq,
- illup inissiaqarfittut iluseqarnera allanngortinneqassanngitsoq, ilanngullugit allagartalersuinermut qullilersuinermullu tunngasutigut,
- suliffimmik ingerlatsinermit biilinik uninngaartarfissatut pisariaqartitat suliffimmut atasuutitaassasut, pisortallu aqqusernaniitinneqassanngitsut,
- inuussutissarsiorfiusoq illumi tamakkiisutut quleriittut inissartaanik tamarmiusumik annerpaamik affaannaanik iluaquteqassasoq,
- immikkoortup inissiaqarfittut ilusaa allanngortinneqassanngitsoq, kiisalu
- inuutissarsiorfik avatangiisunut sutigulluunniit ajoqutaasunik nassataqartitsissanngitsoq.
Imm. ilaani teknikkikkut ingerlatsiviit, soorlu transformerstationitut assingusutullu ittut inississorneqarsinnaapput.

Nunaminertap annertussusiata 4 ha missiliorpaa.

Sumiiffimmi immikkoortoq A29.1-mi nutaamik sanaartortoqarsinnaavoq quleriik ataatsimik.
Sumiiffimmi immikkoortoq A29.2-mi nutaamik sanaartortoqarsinnaavoq quleriit 4 tikillugu.
Sumiiffimmi immikkoortoq A29.3-mi nutaamik sanaartortoqarsinnaavoq quleriit 4 tikillugu.

Sumiiffiup inissiat 12-t missaat aammalu illoqarfiup qeqqani sanaartukkat 1.800 m2-it sinneruttutut inissaqarfigai, apeqqutaalluni illuliap inaarutaasumik isikkoqarnera.
Qulaani sanaartornissamut periarfissat iluaqutaareerpata sumiiffik tamakkiisutut sanaartorfiusutut isigineqalissaaq, sinneruttutut inissaqartitsisuujunnaassalluni.

Nunaminertaq aqqusinertigut maanngaanniit sullinneqarpoq Mittarfimmut Aqqutaa.
Sumiiffik ilumigut Nuussuattaap Aqqutaanit aqqusinertaqassaaq.

Immikkut aaliangersagartaqanngilaq.

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 67,0 qaangerlugu pilersitsivigeqqusaanngitsumi.

Immikkut aaliangersagartaqanngilaq.