Ilimanaq

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

Aaliangiunneqarpoq nunaminertaq ataatsimoorluni ingerlatsinermi siunertanut, soorlu qaannanut ilitsivinnut, pisiniarfinnut toqqorsivinnullu kiisalu saqqummersitsivinnut, ataatsimeersuarnernut neriniarfinnullu. Immikkoortup immikkoortui C1.1, C1.2 aamma C1.3 tamanit atugassanut atorneqassapput. Immikkoortut inuussutissarsiutinut assigiinngitsunut sullissinernullu assigiinngitsunut imaluunniit nunaqarfiup ulluinnarni ingerlanneqarneranut pilersorneqarneranullu kiisalu nunaqarfimmut tikeraanik sullissinermut, ilaatigut soorlu pisiniarfimmut, quersuarmut, neriniartarfimmut, saqqummersitsisarfimmut, ataatsimeersuartitsinerni atugassanut, katersortarfimmut assigisaannullu, kiisalu talittarfimmut atatillugu angallatinik qaqitsisarnermut atorneqassapput. Immikkoortoq C1.3 eqqakkanik illumi katersuiffiullunilu immikkoortiteriffittut atorneqassaaq. Immikkoortup immikkoortui C1.2 aamma C1.3 illuliorfigineqarsinnaapput, ilaqutariit illuinik nalinginnaasunik/affarleriinnilluunniit (illumi ataatsimi an-erlarsimaffik ataaseq/marluk). Immikkoortup immikkoortuata iluani teknikkut atortorissaaruteqarfimmik sumiiffimmik pilersuinermut atorneqartussamik sanasoqarsinnaavoq. Taakku sanaartukkat nunaminertalli sanaffigineqarsimanngitsut avataaniittut eqqarsaatigalugit sananeqarlutillu ilusilersorneqassapput.

Nunaminertap annertussusiata 2,7 ha missiliorpaa. Sanaartugaareersut ingutsernerisa kingorna taartissatut nutaamik sanaartukkat portussusaat illut pioreersut qaliisa aniinganerisa qutseqataatut portunerpaaffilerlugit sanaartorneqassapput.

Nutaanik sanaartortoqarsinnaavoq init quleriit marluk angullugit

Nutaanik ataasiakkaanik inissialiortoqarsinnaavoq/qitiusumik atuuffinnik sanaartortoqarsinnaavoq tigussaasumik nalilersuisimaneq aallaavigalugu. Tigussaasumik nalilersuereernermi illumut pioreersumut ilassusiinissamik periarfissaqarpoq.

Nunaminertamiit nunaqarfiup immikkoortuinut ingerlatsivinnullu allanut aqqutit, illernit, aqqusineeqqallu atorlugit qulakkeerneqassaaq

B-803 og B-807 eqqissisimatitaavoq. Illu isaterneqaqqusaanngilaq allatulluunniit silataata isikkua allanngorteqqusaanani Nunatta Katersugaasivianiit akuersisimasoqartinnagu. B-808 eriagisarialiupput. B-808 kommunalbestyrelsi Naalakkersuisullu aku-erseqqaartinnagit ingutserneqaqqusaanngilaq imaluunniit isikkumi arlaannaatigulluunniit allann-guiffigeqqusaanani. Nunaminertap ilaa nunaminertatut eriagisarialittut toqqagaanikuuvoq (§2-nunaminertaq)

Nunaminertaq tankeqarfinnut isumannaallisaanermut killigititap iluaniippoq. Isumannaallisaanermut killigititaq tankeqarfiup avammut killinganiit, 20 meterinik radius-eqarpoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani

Nutaanik sanaartorneq angallannerup pilersinneqarnerinut sanaartukkallu allilerneqarnerinut ataqatigiissillugu pisassaaq. Nunaminertat eriagisariallit ungataanni eqqannut tigooraavilortoqarsinnaavoq.