1200-E07 - Tinussaraaq
1200-B10 (gl)
-
Sumiiffik - illoqarfik / nunaqarfik
Ilulissat
-
Siunertaq
Teknikkimut atortulersuutit attaveqaatillu
-
Atorneqarnissaa immikkut ittumik
Teknikkimut atortut
-
Atorneqarnissaa
Sumiiffiup atornissaa aalajangersarneqarpoq teknikkimut siunertalinnut atussasoq aamma atorneqassaaq tamanut atuuttussianut iluaqusersuutinullu, taakku tassaassallutik ilitsivik nunatat sinnikuinik immallu naqqaniik qallukkanut mittarfiliornermi pilersitanit.
Illut najugaqarfissatut ilusilersugaassanngillat imaluunniit atorneqassanngillat.
Nunaminertat illulianut, atortulersuutinut aqqusinernillu il.il. atorneqanngitsut, pinngortitaanermissut pigineqassapput. -
Pissutsit atuuttut
Nunaminertap annertussusiata 20,0 ha missiliorpaa.
-
Sanaartorfik
Illut nutaat portunerpaamik ataatsimik quleriittut sananeqarsinnaapput.
Illut nutaat immikkoortup nunami inissisimavia aamma mittarfimmut qanittumiinnera mianeralugit ilusilersugassapput.
Taseqqat, tatsit aamma masarluit immerneqartariaqarput. Nunaminertat immersorneqassapput sivingajaanngorlugit. Immersuineq ataatsimoorussatut pilersaarut, Avannaata Kommunianit akuerineqarsimasoq malillugu pissaaq. -
Inissaq sinneruttoq
Immikkut aaliangersagartaqanngilaq.
-
Angallanneq pilersuinerlu
Immikkoortumi utaqqiisaasumik sulinermi aqqusinermik aamma atortulersuutinik allanik taamaallaat sanasoqarsinnaavoq, taakku immikkoortup siunertaa qularnaassavaat aamma nunamik/qaarsumik piiarneqartumik ilioraavittut atorneqassalluni.
-
Eqqissisimatitat allanngutsaaliukkallu
Immikkut aaliangersagartaqanngilaq.
-
Immikkut aalajangersaaffigisat
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut angattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput. -
Immikkut aalajangersakkat
Immikkoortumi suliffeqarfimmik immikkut ittumik mingutsitsisuusumik pilersitsisoqarsinnaavoq. Suliffeqarfimmik immikkut ittumik mingutsitsisumik sanaartornermi, Namminersornerullutik Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu Oqartussat nalunaarutaat nr. 11, 20. august 2004-meersoq naapertorlugu avatangiisinut tunngatillugu akuersissummik qinnuteqartoqassaaq.
Sanaartorfissatut atugassiissutigineqartup iluani taamaallaat ilioraasoqarsinnaavoq, nunap assinga ilanngussaq 1 naapertorlugu, ilaatigut immikkoortortami illuaqqanut piusunut tunngatillugu killeqarfeqarmat.
-
Pilersaarut
Akuerisaq
Aalajangersakkat nalinginnaasut
Immikkoortortap pilersaarutaa atuuttoq/illoqarfiup ilaanut pilersaarut atuuttoq:
-
DK
https://avannaata.cowiplan.dk/media/4326/kpt-28-for-ilu-1200-e07-ob.pdf
-
KN
https://avannaata.cowiplan.dk/media/4326/kpt-28-for-ilu-1200-e07-ob.pdf