1200-C32 - Imersuup kujataani Qitiusoqarfik
Centerområde syd for drikkevandssøen (gl)
-
Sumiiffik - illoqarfik / nunaqarfik
Ilulissat
-
Siunertaq
Qitiusumik ingerlatsiveqarfiit ataatsimoorussamillu pisoqarfiusartut
-
Atorneqarnissaa immikkut ittumik
Ataatsimoorfissatut siunertallit
-
Atorneqarnissaa
1. Immikkoortortap atorneqarnissaa qitiusoqarfimmut atugassatut aalajangersarneqarpoq, makkununnga atorneqarsinnaalluni: pisortat allaffissornerat, namminersorlutik inuussutissarsiutit, pisortat namminersortullu sullissineri, paaqqinnittarfiit/suliffeqarfiit, hotelit, najugaqartitsisarfiit neriniartarfiillu kiisalu inissiat. 2. Immikkoortortaq 1200-C32 immikkoortortanik makkuninnga imaqarpoq: C32.1 C32.2 C32.3 3. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.
-
Pissutsit atuuttut
1. Immikkoortortap annertussusia tassaavoq 6,8 ha miss., tassa 68.622 m².
-
Sanaartorfik
1. Immikkoortortaq 1200-C32 immikkoortortanut pingasunut agguarneqarpoq. 2. Sanaartukkat ilanngussaq 1 naapertorlugu sanaartorfissani sanaartorneqassapput. 3. Sanaartorneq ilanngussat 1-5 naapertorlugit ingerlanneqassaaq. Ilanngussani taakkunani sanaartorfissat inissisimaffii, ilusilersugaaneri, annertussusii, toqqaviup portussusia (kote), qaliaata qutsinnerpaaffia (kote) annerpaaq kiisalu quleriit amerlassusiisa minnerpaaffissaat annerpaaffissaallu aalajangersarneqarput. Sanaartorfissat arlallit tamakkiisumik atorneqassappata, nunap ilusaa naleqqussarneqartariaqarpoq.
-
Inissaq sinneruttoq
1. . Immikkoortortami 1-imi sanaartornissamut periarfissaq sinneruttoq miss. 4.750 m²-iuvoq 2. Immikkoortortami 2-mi sanaartornissamut periarfissaq sinneruttoq miss. 17.350 m²-iuvoq. 3. Immikkoortortami 3-mi sanaartornissamut periarfissaq sinneruttoq miss. 14.400 m²-iuvoq. 4. Sanaartornissamut periarfissaq sinneruttoq immikkoortortami sukumiisumi quleriit ataatsimut annertussusiattut naatsorsorneqartarpoq. 5. Qulaani taaneqartut sanaartornissamut periarfissat atorneqareerpata, immikkoortortaq tamakkiisumik sanaartorfigineqarsimasutut, sanaartornissamullu periarfissamik sinneruttoqanngitsutut isigineqassaaq.
-
Angallanneq pilersuinerlu
1. Nunaminertaq aqqusinertigut maanngaanniit sullinneqarpoq Mittarfimmut Aqqut. 2. Paulus Kristensenip Aqqutaata immikkoortortaq aqqusaarlugu tallineqarnissaanut nunaminertaq immikkoortinneqassaaq, kommunimut pilersaarummi aqqusinernut nalinginnaasumik nunaminertanik immikkoortitsisarneq naapertorlugu najukkami aqqusinertut aalajangersarneqarluni, ilanngussaq 1 naapertorlugu. 3. Sanaartorfissanut ataasiakkaanut aqqusineqarnikkut isersinnaaneq qulakkeerniarlugu aqqusinernut isertarfissanut nutaanut nunaminertaq immikkoortinneqassaaq, ilanngussaq 1-imi tunngaviusumik takutinneqartutut. 4. Immikkoortortaq aqqusaarlugu pisuinnaat aqqutaasa ataqatigiinnissaanut nunaminertaq qulakkeerneqassaaq, ilanngussaq 1-imi tunngaviusumik takutinneqartutut.
-
Eqqissisimatitat allanngutsaaliukkallu
1. Immikkut aalajangersagartaqanngilaq.
-
Immikkut aalajangersaaffigisat
1. Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. 2. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 67,0 qaangerlugu pilersitsivigeqqusaanngitsumi. 3. Mittarfik maannakkut atorneqartoq matuneqareerpat, Ilulissanilu mittarfik nutaaq ammarneqarpat, portussutsimut killiliissut allanngortinneqassaaq, taamaalilluni illut teknikkikkullu sanaartukkat allat kote 75 meter sinnerlugu portutigisunngorlugit sanaartorneqarsinnaassanngillat. 4. 11.2 – 11.3 MSL (GR96) naapertorlugu naatsorsorneqassapput. 5. Sanaartorfimmi 2.6-imi atortulersuutit pisariaqartinneqartut ilaattut pujoorfimmik mittarfiup killilersuiffiusumik killeqarfianik qaangiisumik sanaartortoqarsinnaavoq. Tamatumunnga nunaminertamik atugassiinissamut oqartussanit attuumassuteqartunit immikkut akuersissutit pisariaqartinneqartut pissarsiarineqarsimanissaat piumasaqaataavoq. 6. Paulus Kristensenip Aqq. najukkami aqqusinertut immikkoortinneqassaaq, aqquserngup qeqqanit 7,5 m-inik sanaartorfissamut killeqarfeqartillugu, kommunimut pilersaarummi aqqusinernut nalinginnaasumik nunaminertanik immikkoortitsisarneq naapertorlugu. 7. Immikkoortortami aqqusernit nutaat allat Kommunip pilersaarutaani aqquserniorfissat taakkununngalu atasumik aqquserniorfissami titarnerit pillugit ataatsimut aalajangersakkat naapertorlugit sananeqassapput. 8. Sanaartorfissaq 1.1 Paulus Kristensenip Aqq. eqqaani aqqusernup sinaani sanaartorfigeqqusaanngitsumik (vejbyggelinje) qaangiinissamut immikkut akuersissuteqarfigineqarpoq. Qaangiineq avatangiisinut angallannermilu isumannaallisaanermut tunngatillugu pingaaruteqanngitsutut nalilerneqarpoq.
-
Immikkut aalajangersakkat
1. Qimmeqarfik pioreersoq sanaartornermik nutaamik aallartitsisoqarnissaata tungaanut sumiiffimmiiginnarsinnaavoq. 2. Qimmeqarfiup pioreersup nuunneqarneranut aningaasartuutit kommunimit akilerneqassapput, tassunga ilanngullugit quit pigisallu allat nuunneqarnerat kiisalu qimmeqarfiup nutaap orninneqarsinnaanerata qulakkeerneqarnissaa.
-
Pilersaarut
Ikke registreret
Aalajangersakkat nalinginnaasut
Immikkoortortap pilersaarutaa atuuttoq/illoqarfiup ilaanut pilersaarut atuuttoq:
-
DK
https://avannaata.cowiplan.dk/media/4710/kpt-69-1200-c32-ob.pdf
-
KN
https://avannaata.cowiplan.dk/media/4710/kpt-69-1200-c32-ob.pdf
