Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Ataatsimoorfissatut siunertallit

Immikkoortup atorneqarsinnaanera ataatsimoorussatut siunertanuussasoq aalajangersarneqarpoq. Ataatsimoorussatut siunertanut ilaapput, atuarfik/ilinniartitsineq, meeqqanut inuusuttunullu aamma utoqqarnut paaqqinnittarfiit, oqaluffik, pisortat allaffeqarfii, inissiat, kulturikkut siunertat, sunngiffimmi aamma sukisaarsarnermi siunertat, biilinut unittarfiit aamma teknikkikkut atorlulersuutit pisariaqartut il.il. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Immikkoortup annertussusiata 0,5 ha missiliorpaa.

Illut nutaat marlunnik quleriinngorlugit sananeqarsinnaapput.

Immikkoortumi sanaartorfiunngitsoq 2.000 m2-iuvoq, inaarutaasumillu illuliarineqartut ilusilersornerat matumani apeqqutaassaaq. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Immikkoortoq Hafnarfjordur-ip Aqqusernaniit aqqusinermut isaariaqassaaq.

Qimussit illerngi piusut Ilanngusaq 1-imi takutinneqartut, illuliorfiussanngillat, atortulersuiffiunatik ilioraaviunatillu.

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri sipporsimassanngilaat aqqusernillu kote 68,0 qaangerlugu sananeqaqqusaanngillat.

Immikkut ittumik aalajangersagaqanngilaq