Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Ataatsimoorfissatut siunertallit

1. Immikkoortortap tamatuma eriagisassaqarfittut inissisimanini attatiinnassavaa. 2. Ann. imm. C10 makkununnga atorsinnaavoq inissianut siunertat soorlu ammasumik-pukkitsumik inissialiat ilaqutariit illui immikkoortitertut/illut arfarleriit (illukkaanut illu ataaseq/illut marluk), ataatsimoorussatut siunertat soorlu oqaluffik katersugaasivillu, peqatigiiffik Qajap illuaraa assigisaalu. 3. Qajarissanut qaannanullu ikaaqarfissat

Nunaminertap annertussusiata 8 ha missiliorpaa

1. Sanaartussat minnerusut sanaartorneqarsinnaapput aammaluatortorissaarutit minnerusut ikkussuunneqarsinnaallutik sumiiffimmi pineqartumi sukisaarsaarfittut atorneqarsinaasumut attuumassuteqartillugit. 2. Ammasumi-pukkitsunik inissianik sanaartorneq (ilaqutariinnut illut ataasiakkaat arfarleriillu nappaarissumik avissaaqqutillit) marlunnik quleriittallit sananeqarsinnaapput, aamma ilanngussaq 6 naapertorlugu annerpaamik portussusilerneqarsinnaallutik. 3. 3. Isaterineq aamma nappaaqqinneq aatsaat immikkut pisoqartillugu, soorlu ikuallattoqartillugu assigisaannilluunniit, akuersissutigineqarsinnaavoq. 4. Ikuallattoqarnerata assigisaataluunniit kingorna nutaamik sanaartorneq illup aallaqqaammut sanaajusup sanaqqinneqarneratut ingerlanneqassaaq, sanaartorfissami pioreersumi. 5. Sanaartukkat allat (tamanit atorneqarsinnaasut) ataatsimik quleriilimmik ataatsimik atorneqarsinnaasumik qalialimmik sanasoqarsinnaavoq.

Nunaminertaq tamakkerluni sanaartorfigineqareerpoq inissamik sinneruttoqanngilaq

Nunaminertaq aqqusinertigut maanngaanniit sullinneqarpoq Nuisariannguaq

1. Aalajangersakkat immikkut ittut, takuuk qupp. 13 aamma 14. 2. Imm. ilaa Kommunikkaartumik pilersaarusiornermi allanngutsaaliuisussaanermik nakkutiginnittussaaneq pillugu Namminersornerullutik Oqartussat nalunaarutaat nr. 31, 30. oktober 1991- imeersumi § 2 najoqqutaralugu eriagisaqarfittut toqqarneqarpoq. 3. Eriagisaqarfiup iluani allannguutit suulluunniitKommunalbestyrelsip allannguutissatut kissaatigisanut akuersissummik tunniusisinnaanera sioqqullugu tusarniaassutigineqassapput aammalu Naalakkersuisunit akuersissutigineqassallutik. Ilanngussaq 1-imi takutinneqartutut B-75, B-76 aamma B-78 Eqqissisimatitsisarneq aamma allatigut kulturikkut eriagisassanik kulturikkut kingornussatut illersuineq pillugu Inatsisartut inatsisaat nr. 11, 19. maj 2010- meersoq naapertorlugu eqqissisimatitaapput. 4.Illu eqqissisimatitamut tunngatillugu illumi suliaqarnerit tamarmik Nunatta Katersugaasivia Toqqorsivianillu illumi eqqissisimatitaasumut ilaasunik tunngasuuppata akuersissummik pisariaqartitsipput, aammattaarlu suliaq nalinginnarmik aserfallatsaaliuineq sinnersimappagu. Nunatta Katersugaasivia. 5.Ilanngussaq 1-imi takutinneqartutut B-4, B- 5, B-6, B-79, B-96, B-98 aamma B-99 eriagisarialittut toqqartorneqarput. Illu ttaakku isateqqusaanatilluunniit allatut isikkumikkut allanngortinneqassanngillat Kommunalbestyrelsip aamma Naalakkersuisut akuersiteqqaarnagit. Eriaginninnermut tunngatillugu malittarisassiat allat annikitsortalersukkatut malittarisassianiipput § 13 ”Sanaartukkat silatimikkut isikkui”-ni aamma § 18 ”Sanaartukkat avatangiisaasalu attatiinnarnissaat”-ni. 4. 6. Immikkoortortat sanaartorfiunngitsut pinngortitaqarfittut sanaartorfigeqqusaanngitsutut eriagisaassapput, sanaartorfigeqqusaanatilluunniit qallersoqqusaanatik.

1. Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. 2. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 67,0 qaangerlugu pilersitsivigeqqusaanngitsumi. 3. Ilulissani maannakkut mittarfiusup matuneratigut, mittarfiullu nutaap ammarneratigut qatsissutsini killilersuutit allanngortinneqassapput, naleqqerfiullu 75,0 meterip qulaani illut ingerlatsiviillu allat sananeqaqqusaassanngillat. 4. Mittarfik allineqassappat portussutsimik killiliinernut tunngasutut maannakkut piumasaqaataasut (§ 7.1 inn.) suliniut tigussaasoq tunngavigalugu sakkortusineqassapput. 5. Nuisariannguaq Ilanngussaq 1-imi takutinneqartutut aqquserngup qeqqanit 10 m-imik aqqusinermi sanaartorfissamut (immikkut killeqarfimmut) ilaavoq. 6. Immikkoortortami aqquserngit sinneri aqquserngup qeqqaniit 3 m-imik aqqusinermi sanaartorfissamut (immikkut killeqarfimmut) ilaapput. 7. Immikkut killeqarfiit teknikkikkut pilersuinermut atugassiaapput, taassumalu iluani sutigulluunniit sanaartortoqaqqusaanngilaq.

Immikkut aaliangersagartaqanngilaq