M: Nersutaateqarfiit naatitsiveqarfiillu

Immikkoortut nersutaateqarnermut naatitsiveqarnermullu immikkoortinneqarsimasut qularutissaanngitsumik tassaasarput najugaqarfiliorfissatut, atortulersuiffissatut allanillu ineriartortitsiviusussatut akuersissuteqarfiusimasut, taakku atalluinnarput nersutaateqarfinnut, naatitsiveqarfinnut, immamik atuinermut, orpippassuarnik atuinermut, qimmiliveqarnermut assigisaannullu, tamakkumi eqqaallu tamarmi atuisunit pisariaqartinneqartarmat. Allatut oqaatigalugu najugaqarfik, nukissiuuteqarfiit, allallu pisariaqartinneqartut pilersinneqartarput uumassusilinnik inuus-sutissarsiuteqarneq tunngavigalugu.

Sumiiffiit immikkoortuinut aalajangersakkat pingaarnerit ataani takuneqarsinnaapput.

Immikkoortuni taakkunani inuussutissarsiutinik allanik aallartitsisoqarsinnaanngilaq. Sanaartukkat pilersuiveqarfiillu immikkoortumi M-imi angisuujullutik immikkuullarissuugajuttarput atortulersugaallutik, kiisalu attaveqaatinik teknikkikkullu atortunik pisariaqartitsisarlutik, soorlu pitsaasumik angallannikkut periarfissaqartitaanikkut. Taamaattumik taamatut najugaqarfinnut atortulersuiveqartunut pilersuinissamik periarfissaqartitsinissaq immikkoortuni M-ip iluiniittuni periarfissaasarpoq, pingaartumik inuussutissarsiummut atasumik ukioq kaajallallu angerlarsimaf-fiusunik pilersitsisoqarsinnaasimagaangat quleriit 2 7,5 meterip nalingi akuersissutigineqarsinnaapput. Killilimmik sunngiffimmi sammisassaqartitsivissanik illuaqqiortoqarsinnaavoq, aasarsiortarfinnik illuliortoqarsinnaalluni piniartut illuarassaannik sanasoqarsinnaalluni illuaqqanillu ajornartorsiulernermi oqquiffiusinnasunik illuaqqiortoqarsinnaalluni, tamakkuli amerlassusissaat immikkoortumi siu-nertaasumut allannguisitsisinneqassanngillat.

Aaliangersakkat aamma Immikkoortu

Pingaarnertut aaliangersakkat kommunip nunaminertanik sanaartornissamut akuersissutinik agguaassisarnerani tunngaviupput.

loading image
Henter...

Nersutaateqarfimmi naatitsiveqarfimmilu najugaqarfissatut sanaartugassat inuussutissarsiummut atatillugu sanaartukkaniit minnerpaamik 60 meterimik ungasissuseqartillugit aatsaat sananeqarsinnaapput. Aammattaaq illuaqqat minnerpaamik 60 meterimik akuttussusilerlugit sananeqarsinnaapput.
Talittarfiit, aqquserngit, aqqutit bilerfigineqarsinnaasut pisuinnaallu aqqutaat suliffeqarfiup illuutaasa najugaqarfiillu akorngini immikkoortortani pineqartuni sananeqarsinnaapput. Tamaani aamma teknikkikkut atortulersuiviit pilersinneqarsinnaapput, ilaatigut innaallagiaqarnermut, imeqarniarnermut, oqarasuartaateqarnermut atserinermilu atortulersuinermut atorneqartussanik. Annertuumik imermik pilersuinermut atortulersuinissamut, erngup iginneqartussap kuuffilersornernissaanut nukissiuuteqarfiliornissamullu Naalakkersuisut akuersiseqqaarlugit aatsaat sa-naartortoqarsinnaavoq.

M-imi immikkoortut imatut agguataarneqarsimapput:

  • M1: Nunalerineq.
  • M2: Aalisakkanik pisanillu suliareqqiineq.
  • M3: Qeqertat qimmiliviit.

M1: Nunalerineq

Immikkoortuni naatitsiviliorluni misileraavinni pineqarput grønsaginik nersutaatillu nerisassannik naatitsiviliorluni misileraaneq. Piffinni taakkunani najugaqarfissanik illuliornissaq ajornartitaanngilaq, inuussutissarsiutigalugu naatitsiveqarfinnullu attuumassuteqartut illuaqqat naatitsiviit, maskiinanut eqqussiviit assigisaallu sananeqarsinnaapput.

M2: Aalisakkanik pisanillu suliareqqiivik

Immikkoortuni pisanik suliareqqiiviusinnaasuni sanaartortoqarsinnaallunilu atortulersuisoqarsinnaavoq pujoorivinnik kiisalu aalisakkanik neqinillu panertiteriviusinnaasunik, aammattaaq inuussutissarsiuteqarnissaq eqqarsaatigalugu annertunngikkaluamik ammerivimmik pilersitsisoqarsinnaavoq.

M3: Qeqertat qimmiliviit

Qeqertani qimmilivinni taamaallat peqqumaasivinnik qimmit isumaginissaannut pisariaqartinneqartuinnarnik sanasoqarsinnaavoq.

Sinerissamut pinngortitamullu allamut ungasissuseqarnissamik piumasaqaat

Pinngortitamik illersuineq pillugu Inatsisartut inatsisaat nr. 29, 18. december 2003-meersoq naapertorlugu Tatsit tarajuusumik imeqartut aamma tatsit tarajornitsuusut, kuuit, puilasut kissartut sinerissallu killeqarfiisa avataanni pinngortitami immikkut ittunit ataani taaneqartunit 100 meterinik qaninnerusumi illunik inissiisoqassanngilaq, naasunik orpinnilluunniit ikkussuisoqassanngilaq, naatitsisoqassanngilaq kussiortoqaranilu imaluunniit allatigut nunap pissusia allanngortinneqassanani.

Sunngiffimmi takornarianullu illuaqqat pinngortitami immikkut ittuni taaneqartuni sinerissamiillu 100 meterinik qaninnerusumi inissinneqarsinnaapput, tamanna kommunimut pilersaarusiap immikkoortortap atuuttup aalajangersagartaani immikkuualuttuni aalajangersarneqarsimappat.

Pissutsini immikkut ittuni Naalakkersuisut ungasissutsimik piumasaqaatitut aalajangersakkat qulaani taaneqartut naapertorlugit immikkut ittumik akuersissummik tunniussisinnaapput.