Takorluugaq

Naalakkersuisut aamma kommunip namminnerlutik inassutiginikuuvaat 1. januar 2018 aallarnerfigalugu Qaasuitsup kommunia marlunnut avinneqassasoq Kommune Qeqertalik Aasiaat, Kangaatsiaq, Qasigiannguit aamma Qeqertarsuaq illoqarfittaliullugit kiisalu Avannaata Kommunia Ilulissat, Qaanaaq, Upernavik aamma Uummannaq illoqarfittaliullugit.

Qaasuitsup Kommuniani kommunalbestyrelsip kommunimut pilersaarut nutartigaq siuunnerfiliisoq 2017-imut Pilersaarusiornermi periusissiaq (Planstrategi 2017) akuersissutiginikuuvaa. Inatsisartut inatsisaanni nr. 30 28. november 2016-meersumi kommunini aaqqissuusseqqinermi takuneqarsinnaavoq Ikaarsaariarnermi Ataatsimiititaliat marluusut komunimut pilersaarutisdsatut siunnersuutinik tamarmik immikkut pilersitaminnik akuersissuteqassasut.

Qaasuitsup Kommuniani kommunalbestyrelsip kommunimut pilersaarut nutartigaq siuunnerfiliisoq 2017-imut Pilersaarusiornermi periusissiaq (Planstrategi 2017) akuersissutiginikuuvaa. Inatsisartut inatsisaanni nr. 30 28. november 2016-meersumi kommunini aaqqissuusseqqinermi takuneqarsinnaavoq Ikaarsaariarnermi Ataatsimiititaliat marluusut komunimut pilersaarutisdsatut siunnersuutinik tamarmik immikkut pilersitaminnik akuersissuteqassasut.

Tamatigoortuuneq aqqutigalugu ineriartorneq

Pilersaarutip aallarnisaataata ilaatut suliarineqarpoq pilersaarummut suleriaaseq – Suleriaaseq 2017 – tassani ilaatigut allaaserineqarput kommunip ineriartornissaanut sammivik pingaarneq, taamaatullu suliamut sammisumik suliniutit aaliangersimalluinnartut.

Suleriaaseq 2017-mi takorluugaq imatut nipeqarpoq:

Avannaata Kommunia inunnut, misigisassanut, ineriartornernullu assigiinngitsorpassuarnut inissaqarpo. Inuunitsinni tunngavigut – pinngortitaq kusanartorsuaq, pisuussutsit pinngortitamiittut kulturilu immikkuullarilluinnartoq ataqqillugit – inuusaatsimut nutaamut, ataatsimoorutinut nutaanut, ineriartornermut nutaaliaasumut imminut nammattumut, aamma – minnerunngitsumillu – tamatsinnut inissamik nutaamik pilersitsivugut.

Silarsuarmi kommunit annersaanni tamakkununnga inissaqarluarpoq taamaalillunilu inuunerinnissamut inissaqarluni. Imaappoq Avannaata Kommunia kommuniuvoq inissaqarluartoq – piviusumik aammali inuppalaartumik. Takorluugaq tassaavoq kommunitta ineriartornerani tunaartassaq, tassaallunilu kommunimi politikkimik suliallat allat suliniutaasullu siunnerfissaat, pineqartoq tassa kommuneplani. Takorluukkap tunngavimmigut imarai, suut Avannaata Kommuniata nappassutigissanerai siunissamilu pingaartillugit, qanorlu iliorluni nukiit kommunimiittut pitsaanerpaamik kattutsinneqarsinnaanersut – aamma piviusumik pilersaarusiornermi.

Suleqatigiinnissamut isumaqatigiissummi "Anguniakkanik aamma takorluukkanik tulleriiaarineq "-nermi najukkami ineriartornissamut periarfissat nukittorsarneqarnissaata isiginiarneqarnissaa siunniunneqarpoq.

Pingaartillugit naleqartitat sisamat ...

Takorluugaq pingaartitanik sisamaasunik toqqammaveqarpoq, Avannaata Kommuniata immikkuullarissusianut ilisarnaataasunik:

  • Ataatsimuussuseq
  • Ilikkagaqarneq
  • Amerlassuseq
  • Tikiffikkuminartuuneq

Ataatsimuussuseq kulturikkut kinaassutsitta ilagaa. Tassami ataatsimoornitsigut, toqqissisarpugut, akisussaasutsimillu tigusinissatsinnut piumassusinittarluta.

Ataatsimoorneruvoq, imaattoqaraangat:

  • kikkut tamarmik inuiaqatigiinni pimoorullugu peqataagaangata
  • tamatta suleqataagaangatta akisussaassutsimillu tigusilluta
  • ataatsimoorluta kivitseqatigiikkaangatta

Ilikkagaqarneq pingaartinneqassaaq, siunissami periarfissarpassuit pilersinneqartussat iluaqutigineqassappata. Ilinniagaqarneq ilisimasaqarnerlu tassaavoq kommunip ungasissumut qulakkeerinnilluni ineriartornissaanut matuersaat pingaarutilik.

Ilikkagaqartoqartarpoq, imaattoqaraangat:

  • ammasuugaangatta, alapernaalluta nutaanillu ilinniarusussuseqarluta
  • inuit ilisimasaat atoraangatsigit
  • paasigaangatsigu, kulturittigut ilisimalersimasagut kinguaariinniit kinguariinnut ingerlateqqinneqartartut


Kalaallit-Nunaata kitaata avannaata nukittoqutaa amerlassutsimiippoq - pinngortitami immikkuullarissumi, ukiup nikerarnerini, nunap pissarititaani, misigisassarpassuarni, inuiaqatigiinni kulturikkut pikialaartuni. Tamanna siunissami paaralugulu attatinnassavarput.

Amerlassuseq pisarpoq, imaattoqaraangat:

  • assigiinngissutsinut inissaqarneq
  • inuuneq assigiinngitsorpassuarnik isikkoqarsinnaatillugu
  • kommunitsinni sumi tamaani assigiinngissutsit immikkuullarissutsillu erligaagut


Tikiffikkuminartuuneq pingaartillugu, avannaamiut qangaaniilli inussiarnernerat, kialaarnerat ammasuunerallu alliartortissavarput.

Tikiffikkuminarneq pisarpoq, imaattoqaraangat:

  • kikkut tamarmik tikilluaqqusaasutut misigigaangata
  • tikerlaat atorfissaqartinneqartutut isigineqaraangata
  • Avannaata Kommunia najugaqarfigilissallugu orniginartuuvoq


Pingaartillugit naleqartitat tassaapput nukittoqutigut, taakkualu atorlugit kommunip siunissaa qulakkeerlugulu ineriartortissavarput. Tamatumunnga, kommuneplani nunaminertanullu allattoqarfik, tassaapput qitiullutik sakkussat.