Peqqissuuneq pinaveersaartitsinerlu

Avannaata Kommunia innuttaasut peqqissuullutillu nuannaartuussapput. Tamanna ataatsimooqatigiinnermut, inuiaqatigiillu ataatsimut isigalugit, iluaqutaavoq. Ajoraluartumik takussaaneruleriartorpoq, amerligaluttuinnartut susaqaratik peqqinnanngitsunillu nerisaqarlutik inuuneqarnerat, tamannalu pualavallaalernermik assingiisaanillu, inuusaatsip kingunerinik nappaatinik, kinguneqartarpoq. Tamatuma inuit ataasiakkaat taassumalu ilaqutai tarnikkut inuusaatsikkullu sunnertarpai. Tigussaasumilli pilersaarusiorneq, peqqinnartumik inuuneqalernissamut timimillu atuinerulernissamut, sinaakkutassanik pilersitsisarpoq.

Taamaattumik kommunalbestyrelsip kissaatigaa pinaveersaartitsinerup nukittorsarneqarnissaa – ilaatigut suliat akimorlugit siunnersuinerit, nereriaatsit, pujortartarnerup, atornerluinerup il.il. oqaloqatigiissutigineri aqqutigalugit – aammattaarli innuttaasut ulluinnarni timigissarnissamut allatullu timiminnik atuinnissaannut periarfissaasa pimoorutivillugu samminerisigut. Peqqinnissaqarfiup pimoorullugu annertuumillu suliniuteqarfiginissaa, Avannaata Kommunia kommunitut najugaqarfigissallugu orniginartutut nittarsaanissaani, sakkuuvoq pitsaasoq.

Anguniakkat

  • Inoqarfiit, pinngortitaq avatangiiseq ataatsimoornerlu tassaassapput, Avannaata Kommunia peqqinnartumik uninngaannaranilu innuneqarnermut sinaakkuttat pitsaanerpaat.
  • Illoqarfimmi illup iluani avatangiiserisamilu qasuersaarfiusinnaasumi – inuusuttunut utoqqarnullu, timigissarnermi aallutassanullu atortussat nutaat, eqqarsaatinut ilaatinneqalissapput. Suliniutit nutaat nutaaliornerit aamma nutaamik eqqarsarluni sinaakkusiornikkut ilinniagaqarnissamik aamma sammisaqarnissamik soqutiginnilersitsisussat pilersinneqassapput. Sammisaqarneq aamma peqqissumik inuuneqarneq nunannersuussapput.
  • Kommunip meeqqeriviini atuarfiinilu timigissarneq peqqinnartunillu nerisaqarneq ulluinnarni pingaarutilittut ilaatinneqassapput. Tamanna atuarfiit skemasigut aammalu meeqqeriviit atuarfiillu iluini ersiuteqartinneqassaaq.
  • Peqqinnissaq pillugu pinaveersaartitsineq siunnersuinerlu nukittorsarneqassapput, assersuutigalugulu peqqinnissaqarfiup, sullissiviit pisortat pigisaasa, atuarfiillu il.il. qaninnerusumik suleqatigiinnerisigut.
  • Sukkilertarneq siuarsarneqassaaq, assersuutigalugu aqqusineeqqanik, sukkilerfissianillu pilersitsinikkut kiisalu pitsaanerusumik aputaajaasalernikkkut.