§ 14 Nunaminertanik atugassiissutit atornissaannut piffissat killiliussat
14.1 Nunaminertap sanaartorfissatut tunniunneqartup, sanaartornissamillu piumasaqaatitaqartup, ator-neqarnissaanut piffissaliussaq, ukiunik marlunnik sivisussuseqarpoq. Sanaartornissamut qinnuteqaat, nunaminertap atugassiissutigineqarneraniit kingusinerpaamik ukiup ataatsip qaangiunnerani, tunniun-neqarsimassaaq. Atuilernissamut qinnuteqaat nu-naminertap atugassiissutigineqarneraniit ukiut marluk qaangiutsinnagit tunniunneqarsimassaq, takuuk pilersaarusiornermut nunaminertanullu inatsimmi (§ 47). Sanaartukkani sanaartugassaniluunniit annertunerusuni kommunalbestyrelsep piffissatut killiliussaq sivittuiffigisinnaavaa ukiukkuutaartumik (§ 46).
14.2 Sanaartornissamik akuersissummik pisariaqarti-tsinngitsumik (assersuutigalugu nunaminertat ilioraavissiat, ungaluukkersuutit, illut pinnguartarfiit il.il.) nunaminertamik atugassinneqarnerup atornissaanut killiliussaq tassaavoq ukioq ataaseq.
14.3 Nunaminertamik atugassiissut atorneqanngitsoq annertunerusumik nalunaaruteqaqqaarfiginagu atorunnaarsissaaq, tassalu nunaminertamik atugassiinermi piffissaq killiliussaq aalajangerneqarsimasoq qaangerneqarpat. Kommunalbestyrelse nunaminertamut atuisinnaanermik killiliussamik sivittuineq akuerisimappagu, takuuk imm.14.1 siuliani, nunaminertamut atruisinnaaneq aatsaat atorunnaarsinnaavoq atuisinnaatitaasoq nunaminertamik atuilernissaminik piumasaqaat malitsinngippagu.
14.4 Pilersaarusiornermut inatsimmi kingunerittagaani nr. 17, 2011, § 62, 63 aamma 64 naapertorlugit nunaminertamik atugassiinermi atugarisaasimasumi piffissaq killiliussaq qaangerneqarpat pissutsinik uppernarsaaniarluni Kommunalbestyrelse iliuuserisassaminik aallarniissaaq pilersaarusiornermut nu-naminartanullu inatsit naapertorlugu.
14.5 Kommunalbestyrip immikkoortumi 14.1-mi sanaartugassat annertunerusut imaluunniit suliniutissatullu pilersaarutinut piffissaliunneqarlutik aalajangiunneqarsimasut sivitsuiffiginissaat, pisuni immikkut ittuni, nunaminertanik piginnittoq suliniutissatut pilersaarutini naammassisinnaagaa naliliisoqarpat, nunaminertaq/nunaminertamik tunniussinermut aalajangersakkanillu atuuttussanik malinnittoqarsinnaassatillugu, taamaaliortoqarnerani piffissaq killigitinneqartoq naatinnagu allakkatigut tunngavilersuusersorlugu qinnuteqaateqaasiorluni tunniussisoqarsimassaaq, qinnuteqaammut piffissamut pilersaarut iliuusissatullu pilersaarut uppernarsaasersorneqarsimasoq ilaatinneqarsimassalluni.
14.6 Imm. 14.1-imi aamma imm. 14.2-mi piffissamut killiliussatut aalajangersakkat Kommunalbestyrelsip aamma sivitsorsinnaavai piffissalersuinermut sulianullu pilersaarummik uppernarsaassutitalimmik ukiuni marlunni suliamik piareersaanerup suliarinninnerullu naammassineqarsiginnaanngisaanni illuliornernut angisuunut teknikkikkullu ingerlatsivinnut atatillugu.
Ineqarnermut Naalakkersuisoqarfik - Ilisimatitsissut:
Nunaminertanik utertitsinermut tunngasoq
tilbagetagelse_af_arealer_kn.pdf (108.5 KB)