Uummannaq

Teknikkimut atortulersuutit attaveqaatillu

Teknikkimut atortut

Sumiiffiup atugaanera teknikkikkut siunertanut, soorlu eqqakkanik tigooraasarfimmut, eqqakkanik ikuallaasarfimmut, taakkununnga atasutut atuuffinnut immikkoortiterinermut atortorissaarutitalinnut, saviminikunut, kiisalu angallatikunik eqqaavimmut aalajangerneqarpoq. Sumiiffimmi aamma imm. 1-imi eqqartorneqartutut atuuffigisanut attaveqartuusutut nalinginnarmik isigineqartunut suliffissanik sanaartortoqarsinnaavoq. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Sumiiffimmiippoq nunaminertaq 1,1 ha-it, 11.000 m2 missaannik angissuseqartoq.

Sanaartukkat nutaat quleriit marluk tikillugit sanaartorneqarsinnaapput. Sanaartukkat qaqugukkulluunniit ilanngussaq 2-mi sanaartorfissat aalajangersakkat taakku iluini inissinneqassapput. Sanaartorfissaq 1-imi atajuartussamik sanaartortoqarsinnaavoq. Sanaartorfissat 2-5-imi atagallartussanik sanaartortoqarsinnaavoq, soorlu sulisunut inissat usit puui, qallersuinerit, inersuit qilaanngusaasallit il.il. inississornerik. Sanaartorfissaq 1-imi sanaartukkat nunatartavimmit uuttorlugit 20 m tikillugit portussuseqarsinnaapput. Sanaartorfissat sinnerini sanaartukkat nunatartavimmit uuttorlugit 10 m tikillugit portussuseqarsinnaapput. Pujoorfiit, antennit assingisaatullu sanaartukkat ilaat pingaarnerunngitsut portunerutinneqarsinnaapput.

Imm. ilaa sanaartorfissaq 1-imi atajuartutut sanaartugaqarfimmi sinneruttutut 600 m2-nik inissaqassuseqarpoq. Sanaartorfissat 2-5-imi ataatsimut 2.000 m2 tikillugit atagallartussanik, soorlu sulisunut inissanik, inersuarnik qilaanngusaasalinnik assingusunillu sanaartortoqarsinnaavoq. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Sumiiffik Siaqqissoq aqqutigaluu aqqusinikkut attaveqarpoq.

Immikkut aaliangersagartaqanngilaq

Sumiiffik qaartartuusivimmut isumannaallisaaffimmi ilaavoq. Sumiiffiup ilaa taanna sanaartorfigeqqusaanngilaq, allatulluunniit isumannaallisaaffittut sumiiffimmut aalajangersakkanik akerliusunik atorneqaqqusaanani. Qaartartuusiviup eqqaani isumannaallisaaffik sumiiffimmi angalanermi ataqqineqassaaq, taamaattorli sumiiffiup ilaanut ungaluugalerneqanngitsumut kikkunnit tamanit attaveqartoqartuarsinnaavoq. Sumiiffik qulimiguullit mittarfiata eqqaani akornutissartaqanngitsutut ingerlavissap ataaniippoq (sumiiffik qulaaffigisartagaq, ikaarsaariarfillu). Qulaaffigisartakkatut sumiiffimmi illut ingerlatsiviillu allat naleqqerfik 59,8 meterip qulaani sanaartorneqaqqusaanngillat. Ikaarsaariarfiup ataani qutsinnerpaatut naleqqerfik annerpaaq assigiinngiiaarpoq, qulaaffigisartakkamullu ungasissusaanit aalajangerneqarluni.

Sumiiffiup qaartiternerlukutanik iluarsaassiviginissaa akuerisaavoq. Sumiiffiup kitaa‘tungaanik atuinermi iliveqarfik sianigineqassaaq, taamaalilluni tamanna eqqakkanik mingutsinneqassanani, atortuutinillu ilioqqakkat takussunartutut isikkoqassanatik. Sumiiffimmi immikkut ittumik mingutsitsumik suliaqartoqarsinnaavoq. Suliarisanik immikkut ittumik mingutsitsisunik sanaartornermi Suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu Namminersornerullutik Oqartussat nalunaarutaat nr. 11, 20. august 2004-meersoq najoqqutaralugu avatangiisinut akuersissummik qinnuteqartoqassaaq.