1700-E13 - Aatsitassanik piiaaffiit

1700-E13 (gl)

static-map
Henter...
static-map
  • Sumiiffik - illoqarfik / nunaqarfik

    Qaanaaq

  • Siunertaq

    Teknikkimut atortulersuutit attaveqaatillu

  • Atorneqarnissaa immikkut ittumik

    Teknikkimut atortut

  • Atorneqarnissaa

    Immikkoortortaq teknikkikkut atortorissaarutinit atorneqartussatut aalajangerneqarpoq. Immikkoortortaq teknikkikkut atortorissaarutinit atorneqassasoq, aatsitassanik piiaanermi: sioqqat, ujaraaqqat ujaqqallu inissialiornermi atorneqartussanik piiarneqarnerini atugassanut, immikkoortinneqarpoq. Atortorissaarutit attuumaasuteqarsinnaasut, soorlu immikkoortiterutit, inissinnissaannut periarfissiisoqassaaq. Assaalluni aatsitassanik piiaanissamut kiisalu atortorissaarutinut attuumassuteqartunut nunaminertaq atorneqartussaq inniminnerneqassaaq. Aatsitassat assanneqartut toqqorsivissaannik aamma periarfissiisoqassaaq.

  • Pissutsit atuuttut

    Nunaminertaq 3,1 ha-t missaanni angissuseqarpoq.

  • Sanaartorfik

    Sanaartukkat 10 meterinik portunerpaaffilerlugit sananeqarsinnaapput.

  • Inissaq sinneruttoq

    Immikkut ittumik aalajangersagaqanngilaq

  • Angallanneq pilersuinerlu

    Nunaminertamiit illoqarfimmi nunaminertanut allanut sullissivinnullu, aqqusinernit pioreersut atorlugit attaviliisoqarnissaa, qulakkeerneqassaaq

  • Eqqissisimatitat allanngutsaaliukkallu

    Immikkut ittumik aalajangersagaqanngilaq

  • Immikkut aalajangersaaffigisat

    Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 60,5 meteri aqqusernillu kote 55,5 qaangerlugu pilersitsivigeqqusaanngitsumi. Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqquserngit portunerpaaffissaat, mittarfimmit qanoq unngasissuseqarnerannut miffiusartullu qeqqanniit sanimorluinnaq titarlugu ungasissusiannut attumassuteqarput.

  • Immikkut aalajangersakkat

    Suliffeqarfimmik mingutitsisumik nunaminertami pilersitsisoqarsinnaavoq. Suliffimmik mingutitsisumik pilersitsissagaanni Namminersornerullutik Oqartussat nalunaarutaat nr. 11, 20. august 2004-meersoq Suliffeqarfiit mingutsitsivallaartut il.il., avatangiisinut tunngatillugu akuersissuteqarfigineqartarnerat naapertorlugu avatangiisimut akuersissummik qinnuteqaateqartoqassaaq.