Qeqertat

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut umiarsualiveqarfiillu

Aaliangiunneqarpoq nunaminertaq inuussutissarsiutinik ingerlataqarnissamik siunertanut, allaffissornerup, sulisitsisup sulliffiutaanut, quersuarnut, assassornermut, iluarsaassisarfinnut, tunisassiornermut, assartuinerullu iluini ingerlatanut atorneqassasoq kiisalu umiarsualiveqarnermi siunertanut, soorlu talittarfinnut sissarsuarnullu, quersuarnut umiarsualivimmilu ingerlatanut allanut assingusunut atorneqassasoq. Imartaa kisarsimaarfittut pituttortarfittulluunniit atorneqarsinnaavoq Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Nunaminertap annertussusiata 7.800 m2 missiliorpaa

Nutaanik sanaartortoqarsinnaavoq annerpaamik 10 meterinik portussusilinnik.

Tigussaasumik nalilersuereerneq aallaavigalugu nutaanik ataasiakkaanik inuussutissarsiorfinnik sanaartortoqarsinnaavoq. Tigussaasumik na-lilersuereernermi illumut pioreersumut ilassusiinissamik periarfissaqarpoq.

Nunaminertamiit nunaqarfiup immikkoortuinut ingerlatsivinnullu allanut aqqutit, illernit, aqqusineeqqallu atorlugit qulakkeerneqassaaq. Sumiiffiup iluani aqquserngit, illerngit pisuinnaallu aqqutaat assigisaallu pilersinneqarsinnaapput,tassuunakkut qulakkeerneqassammat sumiiffiup atuuffissaannut appakaassinnaanissaq aammalu nunaqarfiup eqqaamiuinut sumiiffinnut atuuffiinullu.

Immikkut ittumik aalajangersagaqanngilaq

Immikkoortortaq helistopimut akornusersuutitaqarfiusussaanngitsup ataani inissisisimasinnaavoq (timminermi qulaanneqartartumut aamma qangattarsartarfimmut), tassani sanaartukkat qaliaasa qummut portunerpaaffissaat aamma sanaartukkat sivinganeri tingisarfimmut mikkiartortarfimmullu samminatik.

Immikkoortortami sanaartukkat suliffeqarfiillu avatangiisit innarlitsaaliorneqarnissaannik immikkut ittumik akuersissummik piumasaqaatitallit aamma suliffeqarfiit mingutitsisinnaasut avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq naapertorlugu akuersissummik piniartassapput.