Qeqertat

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut umiarsualiveqarfiillu

Immikkoortortap atorneqarnera allaffinnut, sanaartortartut suliffeqarfiinut, quersuarnut, tunisassiorfinnut, imeqarfimmut,pilattarfimmut, umiatsianut oqquiffittut qaqitsivittullu atorneqassaaq. Imaani kisarsimaartoqarsinnaassaaq aamma pitussimaartoqarsinnaassaaq. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Nunaminertap annertussusiata 11.600 m2 missiliorpaa

Nutaanik sanaartortoqarsinnaavoq annerpaamik 6 meterinik portussusilinnik.

Sumiiffik 1.400 m2-t missaani sinneruttoqarpoq. Inuussutissarsiorfimmik nutaamik sanaartortoqarsinnaavoq atuuffinnik ilassuserlugu. Sumiiffimmi aalisakknut ikaalersuisoqarsinnaavoq containerinillu qerititsiviliisoqarluni toqqorsiviliisoqarlunilu. Tigussaasumik nalilersuereernermi illumut pioreersumut ilassusiinissamik periarfissaqarpoq.

Nunaminertamiit nunaqarfiup immikkoortuinut ingerlatsivinnullu allanut aqqutit, illernit, aqqusineeqqallu atorlugit qulakkeerneqassaaq. Sumiiffiup iluani aqquserngit, illerngit pisuinnaallu aqqutaat assigisaallu pilersinneqarsinnaapput,tassuunakkut qulakkeerneqassammat sumiiffiup atuuffissaannut appakaassinnaanissaq aammalu nunaqarfiup eqqaamiuinut sumiiffinnut atuuffiinullu.

Immikkut ittumik aalajangersagaqanngilaq

Nunaminertaq tankeqarfinnut isumannaallisaanermut killigititap iluaniippoq. Isumannaallisaanermut killigititaq tankeqarfiup avammut killinganiit, 20 meterinik radiuseqarpoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani.

Immikkoortortami sanaartukkat suliffeqarfiillu avatangiisit innarlitsaaliorneqarnissaannik immikkut ittumik akuersissummik piumasaqaatitallit aamma suliffeqarfiit mingutitsisinnaasut avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq naapertorlugu akuersissummik piniartassapput.