Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

1. Immikkoortup atorneqarnissaaataatsimoorussanik siunertaqassaaq, qitiusoqarfik akulikitsunik pukkitsunik aamma quleriinnik inissiaqarnissamut siunertaqassaaq 2. Tamaani ulluinnarni nioqqutissanut pisiniarfiit, neriniartarfiit, café-t peqqissaaviit aamma inuussutissarsiutinut mikinerusutpilersinneqarsinnaapput (allaffiit, sillimmasiisarfiit, inissianik attartortitsisarfiit, eqqartuussissuserisoqarfik, illussanik titartaasarfiit, ingeniørit il.il), sullissiviit namminersortut suliffeqarfiit mikinerususut avatangiisinut ajoqutaanngitsut, pisortatigut sullissiviit allaffissornermillu suliaqarfiit, piorsarsimassutsimik siunertallit, sunngiffimmut siunertallit, atuartitsinerit paaqqinittarfiit, inissiat aamma biilinut uninngasarfiit. 3. Nunaminertat sanaartorfiunngitsut, allamut atugassiaanngitsut tamamut ammasumik atugassiaapput ilusilersugassaallutilli immikkoortumi atuineq sumissuserlu najoqqutaralugit.

1. Immikkoortoq nunaminertaavoq 10.580 m2 missaanik annertussusilik

1. Immikkoortoq immikkoortup ilaanut annikinnerusunut marlunnut avinneqassaaq: ImmikkoortoqC28.I 1.100 m2 Immikkoortoq C28.II 9.480 m2 2. Immikkoortumi C28.I-mi sanaartukkat nutaat akulikitsumik, pukkitssumik quleriit marluk tikillugit annerpaamillu 10 meterinik portussusillit sananeqarsinnaapput. 3. Immikkoortumi C28.II-mi inissiaqarfiit quleriinnik initallit sisamat quleriit tallimat angullugit quleriittallit annerpaamik 21 meterisut portutigisut sananeqarsinnaapput. 4. Immikkoortoq C28.II-mi sanaartukkat assigiinnik atortunik atuinikkut ataatsimoortutut isikkoqassapput. Illut sisamat taakku titartarneqarnermikkut suliassatut ataatsimoortutut isikkoqassapput. 5. Immikkoortumi C28.II-mi sanaartukkat Ilanngussami 1-mi aamma Ilanngussami 2-mi tunngavigineqartut malissavaat. Ilanngussaq 2-mut nikingasoqarsinnaatitaavoq sanaartornermi Ilanngussami 1-mi killilersuinerit aamma 7.2, 7.3 7.4-mi aalajangersakkat malinneqarpata aatsaat. 6. Immikkoortumi C28.II-mi inissiat aamma inuussutissarsiornermut init quleriinni allerniittut toqqaannaq nunamiit iserfissaqassapput

1. Immikkoortoq aqqusineqarnermi kiffartuunneqassaaq Hafnarfjordur, Qilakitsoq amma sisorarfik aqqutigalugit. 2. Nunaminertamik aqqusinermut, aqquserngup sinaanut kussinernullu atugassamik 6 meteriniksilissusilinnik ilanngussaq 2-mi takussutissiami takuneqarsinnaasutut immikkoortitsisoqassaaq. 3. Qimussit aqqutaata immikkoortigut ingerlasup hafnarfjordurimi aqquserngup paarlagiaani isikkiavia qulakkeerneqassaaq, pisariaqarpallu angallannermut allagartarsuarnik pilersorneqassalluni.

1, Immikkut aalajangersagaqanngilaq

1. Nunaminertaq mittarfiup isumanaallisarnerannut killigititap iluaniippoq, mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanernut narlusuunut aamma tumaajusannut, ilaatigullu mittarfiup takissusiata nangissutaatut mikkiartortarnermut qangattarsartarnermullu tunngatillugu. Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, qeqqanniit sanimorluinnaq titarlugu ungasissusiannut attumassuteqarput. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri qaangerlugu pilersitsivigeqqusaanngitsumi. 2. Maannakkut Ilulissani mittarfiup matuneratigut mittarfiullu nutaap atulerneratigut portussusissamut killilersuutit allanngussapput, illuliat sanaartukkallu allat portunerpaaffissaq kote 95,0 meterit qaangerlugu aamma aqqusernit kote 89,0 qaangerlugu qaangerlugu pilersinneqaqqusaanatik.

1. Qimmeqarfiit pioreersut nuunneqarneri sanaartortitsisumit akilerneqassapput. Tassani ilaatinneqarlutik allatigut nalilinnik aaqqiisoqartinnagu quit taarserneqarnissaat imaluunniit nuunneqarnissaat kiisali taarsiullugu inissiivimmi nunap nalimmassarneqarnissaa aamma qimminut ornigussinnaanerup qulakkeerneqarnissaa.