Ilulissat

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut

Immikkoortup atorneqarnissaa suliffeqarfinnut atugas-satut aalajangiunneqassooq soorlu allaffiit, sulliveqarfiit, toqqoarsiviit, assassorluni suliffiit, sannaviit, nioqqutissiorfiit, assartuinerit kiisalu inissiivittut sanaartorfittullu. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Pineqartoq sumiiffik angissuseqarpoq miss. 21 ha -nik imaappoq 212.409 m2-inik.

Annertunerpaamik portussutsimut naleqqerfiit sanaartorfissanut ataasiakkaanut tamanut aalajangersarneqarput, Ilanngussaq 6-imi takuneqarsinnaallutik. Portussutsinik taakkuninnga illualiat, ilioqqakkat ingerlatsiviillu allat qaangeeqqusaanngillat.

Sumiiffimmi sinneruttutut inissaqassuseq 97.000 m2-uvoq, assigalugit Ilanngussat 3 aamma 4-mi takuneqarsinnaasutut atugassiarineqartutut sanaartorfissat. Sanaartukkanut, ingerlatsivinnut ilioraavinnullu nunaminertaq qulaani pineqartoq atorneqalerpat sumiiffik tamakkiisutut suliaqarfiusutut aammalu sinneruttutut inis-saqartuunngitsutut naatsorsuutigineqalissaaq.

Nunaminertaq aqqusinertigut maanngaanniit sullinneqarpoq Mittarfimmut Aqq. Tunngaviatigut Ilanngussaq 2-imi takutinneqartutut inissinneqartunik imm. ilaata iluani aqqusinernut nutaanut nunaminertamik inniminniisoqassaaq. Aqqusinernut taakkununnga, Ilanngussaq 5-imi takuneqarsinnaasunut annertunerpaatut sanaartornissamut naleqqerfiit aalajangiunneqarput.

Immikkut aalajangersagartaqanngilaq.

Nunaminertaq qaartiterutissaasivinnut isumannaallisaanermut killigititap iluaniippoq, Ilanngussaq 1-imi takutinneqartutut. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani. Qaartiterutissaasiviit eqqaani angalanermi isumannaallisaanermut killigititaq ataqqineqassaaq, taamaattorli ungaluukkanik assiaqutserneqarsimanngitsup iluani angalaartoqarsinnaajuaannassaaq. Qaartiterutissaasivik nuunneqassappat tassunga isumannaallisaaffik atorunnaassaaq. Mittarfioreersoq piumasaqaatitalinnik killeqarfeqarpoq, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 68,0 qaangerlugu pilersitsivigeqqusaanngitsumi. Ilulissani mittarfimmut takkuttussamut portussusissatut killeqarfiligaasunik immikkut aalajangersaaffigisaqarfiit atoqqusaapput. Tassaniipput mikkiartortarfik (qatsissuseq assigiinngiiaartoq), aamma nallarissutut inissisimaffik (naleqqerfik 75-imi) aqqusaarneqaqqusaanngitsut. Immikkoortup ilaa mikkiartortarfiit aallariartortarfiillu, aamma manissutut aqqutip ataaniippoq. Mikkiartorfinnut aallariartorfinnullu illunut sanaartukkanullu tamanut, kiisalu aaqquserngit sanaartornissaannut annertunerpaamik portussutsimut naleqqerfik allanngorartitaavoq, apeqqutaavorlu mittarfimmut ungasissuseq, aammalu qeqqani titarnermit teqeqqorissumik ungasissuseq. Illuliat sanaartukkallu annertunerpaamik naleqqerfik 75 tikillugu sanaartorneqaqqusaapput, nunaminertamiilli nunaminertamut portussuseq eqqortoq assigiinngiiaarpoq, taamaattumillu nunaminertap mittarfimmut qeqqanilu titarnermut naleqqiullugu naleqqerfik 75-imit appasinnerusinnaavoq. Mittarfimmut qaninnerpaamut sanaartorfissaq nr. 34-imut annertunerpaamik portussutsimut naleqqerfik tassaavoq naleqqerfimmi 54 meteri.

Immikkut aalajangersagartaqanngilaq.