Ilulissat

Najugaqarfiit

Akuleriinnik inissiaqarfik

1. Sumiiffiup atugaanissaa siamasissunik pukkitsunillu sanaartorfissatut, quleriinnik illualianut, kiisalu akulikitsunik pukkitsunik inissialiornernut aalajangersarneqarpoq. 2. Ulluinnarni atortussanik niuertarfinnik, namminersuutigisatut inuussutissarsiorfinnik (allaffiit, sillimmasiisarfiit, illunik nioqqutillit, inatsisilerituut, illunik titartaasartut, ingeniørit assingisaalluunniit), aamma namminersuutigisatut kiffartuussiffinnik, saqqummersitsivinnik assingusunillu imm. ilaani illuni tamani pilersitaqartoqarsinnaavoq. 3. Suliffinnik mikinerusunik avatangiisinik artukkiinngitsuni, pisortanit kiffartuussisarfinnik allaffissorfinnillu, kultureqarnermi siunertanik, katersortarfinnik, sunngiffimmi siunertanik, ilinniartitsinernik, kiisalu sullissisarfinnik aqqusernit pingaannginnerit, aammalu sumiiffiusumi aqquserngit sanianni sanaartorfissani pilersitaqartoqarsinnaavoq. 4. Nunaminertat sanaartorfiginngisat, siunertanu tallanut atugassiarineqangnitsut taamaallaat ataatsimoorussatut, tamanit atorneqarsinnaasutut sanaartorfiunngitsutut ilusilersorneqarlutillunniit atorneqarsinnaapput, taakkulu sumiiffiup inissisimaffigisaanut atugarineranullu naleqqutissapput. 5. Sumiiffiit minguitsuutitat taamaallaat ataatsimoorussatut sumiiffittut minguitsuutitatut atorneqaqqusaapput.

Sumiiffimmiippoq nunaminertaq 205.796 m²-it missaannik angissusilik.

Imm. ilaa A33-mi inissialiat nutaat siamasissunik pukkitsunik, imaluunniit akulikitsunik pukkitsunik quleriit marluk tikillugit sanaartugaasinnaapput. Taamaallaat immikkuualuttortalikkatut sumiiffik A33.1-imi sanaartorfissani 1-imi aamma 2-mi quleriit pingasut tikillugit sanaartortoqarsinnaavoq.

1. Kommunip pilersaarutaanut tapiummik matuminnga suliaqarnermi immikkuualuttortalikkatut sumiiffik A33.1-imiippoq inissap sinnera sanaartorfissanik iluarsisanik marlunnik imalik. 2. Immikkoortoq A33.2-mi sanaartorfissat marluk suli sanaartorfigineqarsinnaapput. 3. Qulaani pineqartutut illuliorsinnaanerit iluaqutigineqareerpata sumiiffik tamakkiisutut sanaartorfigisaasutut naatsorsuutigineqassaaq, sinneruttutut inissaqartitaanani. Taamaattorli annikinnerusutut ilassutitut sanaartukkanut periarfissaqassaaq, soorlu aneerasaartarfinnik, sakkunut quinut assingusunullu.

Sumiiffimmut aqqusineqassaaq makkunanit: Nuisariannguaq, Pitoqqiup Aqquserna, Qupaloraarsuk, Jørgen Sverdrupip Aqqutaa aamma Illumiut. Sumiiffimmi tunngaviatigut nunap assingani (Ilanngussaq 1-imi) takutinneqartutut 20, 15, imaluunniit 6 meterinik silissusilinnik aqqusinernut atugassiarisatut aqqusinernut nunaminertat inniminnerneqassapput.

Sumiiffiup allanngutsaaliukkap (oqaluffimmut katersugaasivimmullu sumiiffiup) akornanni ataqatigiiffimmik qularnaariniarluni, aammalu illoqarfiup immikkoortuani pisoqaanerusumi ileqqorisatut nunatsinni illuliornermut tunngasutut ilisarnaataasoq attanniarlugu Immikkuualuttortalikkatut sumiiffik A33.1-imi ilasilluni sanaartukkat nutaatullu sanaartukkat tamarmik imatut sananeqassapput sapinngisamik siamasiinnerusutut annertussusilimmik sumiiffimmut allanngutsaaliugaasumut tassanngaanniillu isikkivigisaq attanneqassalluni.

Mittarfimmi immikkut aalajangersagaqarpoq, nunaminertanik akorngutissartaqanngitsunik, tamakulu mittarfiup allilerneqarneranut atatillugu timmisartut tikinniarnerannut aamma aallarniarnerannut aaqqiinerupput. Immikkoortoq mittarfimmi akorngusersorneqartussaanngitsutut inissisimavoq, tanammalu tikiffissamik aamma aallarfissamik akorngusersuinnginnissamut malittarisassanut ilaatinneqartuuvoq. Sanaartukkanut aamma atortussanut nunap immikkoortuani aqqusinernik sanaartorfissat nikerartuupput tassanilu apeqqutaalluni mittarfimmut qanoq ungasitsiginera sumut samminera kiisalu mittarfiup qeqqani nalunaaqutsiisimaneq. Maannakkut mittarfiusumut akornuserfissaqanngitsutut inissisimaffigisap ataani sumiiffik inissisimaffeqarpoq, aammalu inissisimaffiusumi nallarissumi ilaalluni, tamaani naleqqerfiup 73,0 meterip qulaani illut ingerlatsiviillu allat sananeqaqqusaanatik. Ilulissani maannakkut mittarfiusup matuneratigut, mittarfiullu nutaap ammarneratigut qatsissutsini killilersuutit allanngortinneqassapput, naleqqerfiullu 75,0 meterip qulaani illut ingerlatsiviillu allat sananeqaqqusaassanngillat.

Immikkut ittunik aalajangersagaqanngilaq.