Ilulissat

Najugaqarfiit

Akuleriinnik inissiaqarfik

1. Aaliangiunneqarpoq nunaminertaq inuussutissarsiutinik ingerlataqarnissamik siunertanut, allaffissornerup, sulisitsisup sulliffiutaanut, quersuarnut, assassornermut, iluarsaassisarfinnut, tunisassiornermut, assartuinerullu iluini ingerlatanut atorneqassasoq.

Nunaminertap annertussusiata 5,1 ha missiliorpaa

1. Nutaanik sanaartortoqarsinnaavoq init quleriit marluk angullugit. 2. Immikkoortup ilaani ilaqutariinnut ataasiakkaanut illut pioreersunut atatillugu ilassutitut sanaartortoqarsinnaavoq. Ilassuteqarluni sanaartorneq immikkuualuttoq 1200-A21.1-ip iluani inissisimassaaq, pingaarnertut illut ataasiakkaat eqqaannut atassallutik, ilanngussaq 2 naapertorlugu.

1. Immikkoortoq illut inaarutaasumik isikkussaat apeqqutaatinnagu illunik 29-inik inissaqassutsikkut sinneqarput. 2. Immikkoortoq illut inaarutaasumik isikkussaat apeqqutaatinnagu illunik 34-inik ilalikkanik inissaqassutsikkut sinneqarput. Ilalikkat tamaasa 50 kvm-it tungaanut ilalerneqarsinnaapput. 3. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Nunaminertaq aqqusinertigut maanngaanniit sullinneqarpoq Niels Dorph-ip Aqquserna aamma Sisorarfik

Immikkut aaliangersagartaqanngilaq

1. Nunaminertaq mittarfiup isumanaallisarnerannut killigititap iluaniippoq, mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanernut narlusuunut aamma tumaajusannut, ilaatigullu mittarfiup takissusiata nangissutaatut mikkiartortarnermut qangattarsartarnermullu tunngatillugu. Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, qeqqanniit sanimorluinnaq titarlugu ungasissusiannut attumassuteqarput. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri qaangerlugu pilersitsivigeqqusaanngitsumi. 4. Maannakkut mittarfik atuuttoq matuneqareerpat Ilulissanilu mittarfissap nutaap ammarneqarnerani portussutsimut killilersuinerit aamma illut sanaartukkallu allat kote 105,0 meter - kote 115,0 meter sinnerlugit sanaartorneqaqqusaannginnerat allanngortinneqartussaavoq, immikkoortup ilaani aalajangersimasumik inissisimanera naapertorlugu.

1. Immikkoortoq UNESCO-p nunarsuarmi kingornussarsiarititaanut illoqarfimmut qanittumi nunap allanngortitassaanngitsup tungaanut kujataanut Sermermiunut killeqarpoq. Taamaammat immikkoortup ilaani nutaamik sanaartornissami eqqarsaatigineqassaaq, Sermermiullu eqqaani eqqissisimatitaatitaasunut akornutaasussanngornagit naleqqussarneqassallutik.