Ilulissat

Najugaqarfiit

Akuleriinnik inissiaqarfik

1. Immikkoortup atornissaa inissianut siunertanut aalajangerneqarpoq, tassaassallutik siamasissunik pukkitsunillu innissianik sanaartorfik, iluseralugit ilaqutariit illui allanut attuumassuteqanngitsut, inissianik sanaartukkat akulikitsut/pukkitsut illutut sanileriiaatut ittut, kiisalu inissiarsuit quleriiaatut ittut. 2. Ulluinnarni atortussanik niuertarfinnik, namminersuutigisatut inuussutissarsiorfinnik (allaffiit, sillimmasiisarfiit, illunik nioqqutillit, inatsisilerituut, illunik titartaasartut, ingeniørit assingisaalluunniit), aamma namminersuutigisatut kiffartuussiffinnik, saqqummersitsivinnik assingusunillu imm. ilaani illuni tamani pilersitaqartoqarsinnaavoq. 3. Immikkoortumi tamaani pisortat sullissiviinik allaffeqarfiinillu, kulturikkut siunertanut, katersortarfimmik, sunngiffimmi siunertanut, atuartitsinermut, kiisalu paaqqinnittarfiliornermik pilersitsisoqarsinnaavoq. 4. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

1. Sumiiffimmiippoq nunaminertaq 2,92 ha missaannik angitigisoq, assigalugu 29.200 m2 2. Immikkoortitaq immikkuualuttortalikkatut sumiiffinnut marlunnut avinneqarpoq: Immikkuualuttortalikkatut sumiiffik A10.1, 19.400 m2-it missaannik angissusilik, aamma immikkuualuttortalikkatut sumiiffik A10.2, 9.900 m2-it missaannik angissusilik.

Immikkoortup ilaanut A10.1.-mut sanaartugassanik nutaanik inissiisoqassanngilaq. Immikkoortup ilaani isaterisoqareerpat allangortiterisoqareerpat pioreersunillu ilaterisoqareerpat sanaartornissaq pisinnaavoq. Sanaartukkat pioreersut angissusaannik attassisussanik. Sanaartugassat inissianut quleriinut pingasunut sananeqarsinnaapput. 2. Immikkoortup ilaani A10.2-mi sanaartorfiusinnaasut inissinneqassapput, ilanngussaq 2 naapertorlugu pioreersut isaterneqareerpata. Sanaartornerup annertussusaa inissisimaffissaalu nunap assiani ilanngussami takuneqarsinnaavoq. Sanaartorfissat 1-miittut (A-B)-mi inissisimasut inissianut qaleriinnut pingasunut sanaartorfissaassapput. Sanaartorfissat 2-miittut (A-B)-mi inissisimasut inissianut qaleriinnut pingasunut sanaartorfissaassapput. Sanaartorfissat 3-miittut eqqakkanik katersuivinnik ilisiviussapput, sanaartukkat atuisuinit atorneqartussatut. Illut quleriimmi ataatsimi kisimik sananeqarsinnaapput. Sanaartugaq B-66 tunngvaiusumik pilersaarummi allilerneqarsinnaavoq, kisianni sanaartugassap nutaap maannakkut illut pioreersut portunerpaaffii qaangertussanngilaat.

1. Immikkuualuttortalikkatut sumiiffik A10.1 tamakkiisumik sanaartorfiuvoq sinnilimmik inissaqarani. 2. B-125-mik isaterinermi (A-Æ) kiassaateqarfitoqaq illuliap inaarutaasumik ilusilersornera apeqqutaalluni immikkuualuttortalikkatut sumiiffik A10.2-mi sinnilimmik inissaq 3680 m2-it missaanniippoq. 3. Qulaani pineqartutut illuliornissamut periarfissaq iluaqutigineqarsimalerpat sumiiffik tamakkiisumik sanaartorfiulersimalissaaq, sinnilimmik inissaqarunnaarluni.

1. Sumiiffik Jørgen Guldagerip Aqqutaanit, Edvard Sivertsenip Aqqusernanit, Fredericiap Aqq.-nit, aamma Edvard Sivertsenip Aqqusernanit aqqusinilersugaavoq.

1. Immikkut aalajangersagartaqanngilaq.

1. Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 68,0 qaangerlugu pilersitsivigeqqusaanngitsumi. 2. Mittarfiup maannakkut auuttup matuneqareernerata kingorna Ilulissallu mittarfissaata nutaap ammarneqareernerata kingorna portunerpaaffissaata killia allanngortinneqassaaq sanaartugassallu amma 75,0 meter sinnerlugu portutigisut sananeqaqqusaanngillat.

1. Qaqqat qorsooqqinnersallu attorneqaratillu allangortinneqassanngillat. Taamaattorli Jørgen Guldagerip Aqqutaata aamma Edvard Sivertsenip Aqqusertata akornanni qaqqajunnartaqarfimmi silami suliaqarfiusumik inuunermik tapersersuisunik pinnguartarfiliortoqarsinnaavoq, igaasaarfiliortoqarsinnaavoq assingusunillu sanaartortoqarsinnaavoq. Sanaartornermi Ilulissat Katersugaasiviata eqqaani nunaminertaq eriagisarialik sianigineqassaaq