Toqqissisimaneq inuunerinnerlu

Toqqissisimaneq tassaavoq, ilikkagaqarniarnermi, ineriartornermi inuunerinnermilu, toqqammavik pingaarutilik. Toqqissisimaneq amerlanertigut ilaquttanut ikinngutinullu attuumassuteqartarpoq, aammali avatangiisinut sinaakkuttanullu piviusunut annertummik pingaaruteqartarluni. Taamaattumik illoqarfimmi ataatsimoortarfinni sinaakkutit qaffasissumik pitsaassusillit pilersinneqarnissaat pingaarutilerujussuuvoq, aammalumi najugaqarfitta aaqqissuunneqarsneranni pingaaruteqarpoq ulluinnarni inuunermi katataasoqannginnissaa imaluunniit ataatsimoorfimmiit mattussissoqannginnissaa.

Anguniakkat

  • Avannaata Kommunia toqqissimaneq pingaartippaa, tigussaasumik pilersaarusiornermi, innuttaasut tamarmik, sumi najugaqarneq apeqqutaatinnagu toqqissisimanartunik sinaakkutaqarnissaata, eqqarsaatinut ilanngunneratigut.
  • Naapittarfiit pitsaasut, silami illullu iluani ataatsimoorneq toqqissisimanerlu, nukittorsartarpaat. Taamaattumik qulakkeerneqassaaq, inoqarfinni pitsaalluartunik qitiusumik illoqannginninnersaqarnissaa, nunaminertaqarluni, katersortarfeqarluni assigisaanilluunniit, innuttaasut qanoq ukioqassuseq apeqqutaatinnagu ataatsimoorfigisinnaasaannik.
  • Meerartatta inuusuttortattalu toqqissisimasuunissaat nuannaartuunissaallu qulakkeerniarlugu immikkut iliuuseqartoqassaaq – assersuutigalugu pinnguartarfinnik ullutsinnut naaleqquttunik, timersuutinik assigiinngitsunik ingerlatsiviusinnaasunik, timigissarfiusinnaasunik pinngortitamilu misigisassanik, pilersitsinikkut
  • Inissiaqarfinnut, ataatsimoortarfinnut, pisuffissianut, atuarfiit aqqutaannut assigsaannullu atatillugu aaqqissuussinernut atatillugu Toqqissisimaneq isummamineersumik uuttuutitut atorneeqassaaq.
  • Inissiat neqeroorutaasut ilusilersorneqarsimassapput, inuuneq naallugu illoqarfiup immikkoortortaani najugaqartoqarsinnaanngorlugu – tamanna toqqissisimanermik pilersitsisarpoq.