Uummannaq

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut

Aaliangiunneqarpoq nunaminertaq inuussutissarsiutinik ingerlataqarnissamik siunertanut, allaffissornerup, sulisitsisup sulliffiutaanut, quersuarnut, assassornermut, iluarsaassisarfinnut, tunisassiornermut, assartuinerullu iluini ingerlatanut atorneqassasoq

Nunaminertap annertussusiata 1 ha missiliorpaa

Nutaanik sanaartortoqarsinnaavoq annerpaamik 12,0 meterinik portussusilinnik

Nunaminertami inissaq sinneruttoq 5.000 m²-uvoq illuliat inaarutaasumik ilusilersorneqarnissaat apeqqutaatillugu. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik

Nunaminertaq aqqusinertigut maanngaanniit sullinneqarpoq Siaqqissoq

Immikkut aaliangersagartaqanngilaq

Nunaminertaq heliportimut tunngatillugu akornusersuuteqarfiunngitsup iluaniippoq (qulaanneqartartut aamma apparsartarfiit). Qulaanneqartartumi illuliat sanaartukkallu portussusissaq (kote) 59,8 meterit qulaassimassanngilaat. Apparsartarfinni portussutsit (kipkote) assigiinngisitaarput qulanneqartartumut ungasissuseq apeqqutaatillugu

Nunaminertaq qaartiternerlukut atorlugit nalimmassarneqassaaq, qaarsortallu qaartinneqarnissaat akuerissutaavoq. Nunaminertap kujataatungaa atorneqassappat iliveqarfik mianerineqassaaq, eqqakkat eqqarsaatigalugit aamma sanaartukkat kusanaallisaataannginnissaat pillugu. Imaassinnaavoq nunaminertami suliffimmik annertuumik mingutsisiviusumik peqartoq. Suliffimmik immikkuullarissumik mingutsitsiffiusumik pilersitsisoqassatillugu avatangiisimut akuersissummik qinnuteqaateqartoqassaaq, Namminersornerullutik Oqartussat nalunaarutaat nr. 11, 20. august 2004-meersoq suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu, tunngavigalugu