Uummannaq

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut umiarsualiveqarfiillu

Sumiiffiup atornissaa aalajangersarneqarpoq inuussutissarsiorfittut umiarsualiveqarfittullu pamialluttut isikkulerlugu umiarsualivimmut mallinut illersuutitut, taamaasilluni umiatsianik angallatinillu sumiiffimmi pituttarneq isumannaannerulissalluni umiarsuillu talittarfiani nunaminertanik ammaassissalluni. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Pineqartoq sumiiffik angissuseqarpoq miss. 0,25 ha –nik imaappoq 2.500 m2-inik.

Sumiiffimmi umiarsualivimmi atugassianik annikitsunik sanaartortoqarsinnaavoq atortorissaarusiisoqarlunilu. Immattartoqarfiit pisariaqartillugu immerneqarsinnaapput.

Umiarsualivimmiik sineriaatigut sumiiffik B02-mut ujararujussuarnik ilioraasoqassaaq iluliaminernut mallinullu illersuutissanik. Sanaartugaq taakkartorneqartoq naammassippat sumiiffik tamakkiisumik suliaasimalissaaq sinneruttoqarani.

Sumiiffik aqqusinermik Arsaaffimmut-tumit aqquserneqassaaq. Sumiiffimmi pamiallummut orniguffissiamik aqqusiisoqassaaq.

Immikkut aalajangersagartaqanngilaq

Nunaminertaq helistop-imut akornusersuutitaqarfiusussaanngitsumik killiliussap (timminermi qulaanneqartartumut aamma qangattarsartarfimmut) iluaniippoq, tassani sanaartukkat qaliaasa qummut portunerpaaffissaat aamma sanaartukkat sivinganeri assigiingisitaarput qangattarsartarfimmiit aamma mikkiartortarfimmiit naatsorsuullugit.

Sumiiffik ujaqqanik qaartitaneersunik nunagissarneqassaaq qaqqajunnallu qaartiternissaat akuerineqarpoq. Sumiiffimmi pamialluliortoqassaaq umiatsianullu iluaqusersuusertoqarluni. Sanaartugassat nutaat inissiatut atorneqassanngillat. Sumiiffiup iluani pigisanik inissiisoqarsinnaavoq.