Tasiusaq

Qitiusumik ingerlatsiveqarfiit ataatsimoorussamillu pisoqarfiusartut

Ataatsimoorfissatut siunertallit

Aaliangiunneqarpoq nunaminertaq qitiusumik ingerlatanut, soorlu atuarfinnut, pisiniarfimmut, oqaluffimmut allanullu assingusunut atorneqassasoq

Nunaminertap annertussusiata 3 ha missiliorpaa

Nutaanik sanaartortoqarsinnaavoq init quleriit marluk angullugit

Nutaanik ataasiakkaanik inissialiortoqarsinnaavoq/qitiusumik atuuffinnik sanaartortoqarsinnaavoq tigussaasumik nalilersuisimaneq aallaavigalugu. Tigussaasumik nalilersuereernermi illumut pioreersumut ilassusiinissamik periarfissaqarpoq.

Nunaminertamiit nunaqarfiup immikkoortuinut ingerlatsivinnullu allanut aqqutit, illernit, aqqusineeqqallu atorlugit qulakkeerneqassaaq

B-102 eriagisarialiuvoq. Illu taanna ingutserneqassanngilaq silatimigulluunniit allanngortinneqassanani kommunalbestyrelsi akuersiteqqaarnagu

Nunaminertaq tankeqarfinnut isumannaallisaanermut killigititap iluaniippoq. Isumannaallisaanermut killigititaq tankeqarfiup avammut killinganiit, 20 meterinik radius-eqarpoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani. Nunaminertaq helistop-imut akornusersuutitaqarfiusussaanngitsumik killiliussap (timminermi qulaanneqartartumut aamma qangattarsartarfimmut) iluaniippoq, tassani sanaartukkat qaliaasa qummut portunerpaaffissaat aamma sanaartukkat sivinganeri assigiingisitaarput qangattarsartarfimmiit aamma mikkiartortarfimmiit naatsorsuullugit.

Tamaallaat nutaanik sanaartortoqarsinnaavoq ataatsimoorluni ingerlatsivinnut pioreersunut nutaanulluunnit attuumassuteqartunik. Oqaluffiup avatangiisai sanaartorfigineqassanngillat, oqaluffik 25 meterinik ungaqqullugit