Nutaarmiut

Nutaarmiut qeqertamiipput Baffin-ip Kangerliumarnani ateqaatigisamini, Upernavimmit 91 km missiliorlugit avannarpasinnerusumi. Nutaarmiuni taamaallaat 38-inik innuttaqarpoq (2017) taamaattumillu Upernaviup pigisaanni inoqarfiit minnersaralagu.


Aaliangersakkat aamma Immikkoortu

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik.

Kommunimut pilersaarummi aalajangersakkat

Pingaarnertut aaliangersakkat kommunip nunaminertanik sanaartornissamut akuersissutinik agguaassisarnerani tunngaviupput.

Sullissinermi pissutsit atuuttut inissatigullu neqeroorutit nunaqarfiup alliartorneranut naleqqussarneqassapput. Nunaqarfiup alliartoqqissinnaanera killingisa iluini pissaaq. Inuussutissarsiutit ineriartortinneranni, pingaarnertut qulakkeerneqassaaq, aalisarnermik piniarnermillu inuussutissarsiuteqarnerup nukittorsarneqarnissaat. Nunaqarfiit suli innuttaminnut najukkatut pitsaasutut ingerlasinnasariaqarput. Nunaqarfiit inuuneranni aalisakkanik tunisassiorfik eqqarsaatersuutigineqarsinnaavoq imaluunnit immikkortillugu inissillugu nunaqarfinnut attavilittut.

Nutaarmiuni innuttaasut amerlassusaat, 1980-mi 76-siusimagaluarlutik, ikiliartuaaginnarsimapput. Innuttaasut immikkut eqqorneqaatigisimavaat Upernavik Seafood A/S-p tunisassiorfiata matuneqarnera. Illut tamakkerlutik ilaqutariinnit ataasiakkaanit illorineqarput.

Nutaarmiuni sanaartukkat akuttusoorujussuarmik inissitsitigaapput, inissarlu nunaqarfiup alliartorfigisinnaasaa annertoqaaq. Nunaqarfimmi inissianut 65-inut sanaartornissamut inissaqartoq nalilerneqarpoq.

Nutaarmiuni inuussutissarsiutit pingaarnerit tassaapput puisinniarneq qaleranilliarnerlu, nunaqarfiillu umiarsualivittut taaneqarsinnaasumik soqanngillat. Nunaminertaq annikitsoq Nutaarmiut kujasinnerusortaaniittoq, inuussutissarsiornermi umiarsualiveqarnermilu siunertanut atugassaq, immikkoortinneqarnikuuvoq.

Talittarfiup ikaartarfiata avataatungaa atuarlugu imartaq umiarsualivittut oqartussaaffeqarfissatut Naalakkersuisuniit toqqarneqarsimavoq.

Suliffissat pingaartumik piniarnermut aalisarnermullu tunngasuupput, aammali suliffeqarpoq nunaqarfiup sullinneqarneranut tunngasunik, annikikkaluamillu takornariaqarnermi. 2015-imi Upernaviup pigisaanni nunaqarfinni suliffissaaleqineq annertunerulaarpoq ataatsimut isigalugu 10,9 %-iulluni. Upernavimmi tamanna qafffasinnerulaarpoq tassani suliffissaaleqisut 9,3 %-iummata. Aammattaaq kommunimi agguaqatigiissitsinermut aamma nuna tamakkerlugu agguaqqatigiissitsinermut (9,1 %) sanilliullugu qaffasinnerulaarpoq.

Kommuneplani malillugu inuussutissarsiutinut umiarsualivimmullu tunngasuni inissaq sinneruttoq 24.000 m² missiliorlugu annertussuseqarpoq.

Nunaqarfiit taakkua helistop-eqaratillu aqqusineqanngillat. Angallannermi periarfissat allat tassaapput imaatigut angallatit, qimussit snescooterillu.

Nunaqarfiit imermik pilersugaanngillat eqqakkanullu kuuffeqaratik. Taamaattumik imeq illulerinermiit igitaq pinngortitamut kuutsiinnarneqartarpoq. Eqqaavissuaq Nutaarmiut avannaaniippoq, tassani eqqakkat ammaannartumi ikuallanneqartarput, unnuaaneranilu eqqakkat, unnuaanerani eqqakkat tummeraasaanniit nutamiit, imaluunnit ruujorikkoortillugit imaanut iginneqartarlutik. Innaallagissamik kiassarnermillu pilersuineq Nukissiorfiit ingerlataraat, TELE Greenlandip oqarasuaatit assigissaallu atorlugit attaveqarneq isumagisarigaa.

Nutaarmiuni sullisiviit tassaapput, oqaluffik, nunaqarfimmi atuakkanik atorniartarfik, atuarfik aamma immikkoortortap allaffia. Nunaqarfik pisiniarfeqanngilaq peqqinnissamulluunnit sulissiveqarani, aammattaaq meeqqanik paarsissarneq aqqissuussivigineqarnikuunngilaq.

Meeqqat atuarfiat, Nutaarmiut Atuarfiat, sisamat missiliorlugit atuartoqarpoq atualeqqaaniit 7. klassimut.

Oqaluffik Nutaarmiuni Ikerasaaesummilu inuppalaartumik kulturikkullu ingerlatanut sinaakkutaavoq. Sunngiffimmi neqeroorutaasinnaasunik allanik soqanngilaq.

Taamatuttaaq Nutaarmiuni illunik eriagisassanik toqqaasoqarsimanngilaq.

static-map
Henter...
static-map