Ilulissat

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

Sumiiffiup atuuffissaa aalajangersarneqar-poq qitiusoqarfissatut, sumiiffiup iluani piler-sinneqassalluni ivigaasanik arsaattarfissaq, nunaminertaq ilaasoq biilinut uninngaarfissaq peqatigiiffiup illussaa allallu sunngiffimmi sammineqarsinnaasut. Nunaminertat sanaartorfiunngitsut, siunertanut allanut atugassiissutaasimanngitsut taamaallaat ilusilersorneqarsinaapput imaluunniit pisortat sanaartorfiginnissaattut ataatsimoorussatut atorneqarsinnaapput, ilusilersorneqassallutillu immikkoortup inissisimaneranut atorneqarneranullu naleqquttunik.

Nunaminertap angissusia 1,9 ha-t missiliorpaa.

Sanaartukkat nutaat sananeqarsinnaapput quleriit ataatsitut.

Sumiiffiup iluani nutaanik sanaartortoqar-sinnaavoq tapiliussami 1-tut. Sanaartukkat nutaat sumiiffiup siunertaanut naapertuutissapput, assersuutigalugu peqati-giiffiup illuutaatut, atisalersortarfittut, isigin-naarianut inissat, biilinut uninngatitsisarfiit pinnguartarfiillu. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Sumiiffik aqquteqassaaq Qoororsuup aqqusernaniit.

Immikkut aalajangersagartaqanngilaq.

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit. Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri sipporsimassanngilaat aqqusernillu kote 67,0 qaangerlugu sananeqaqqusaanngillat. Qoororsuup Aqquserna aqqutit aappaatut inississaaq tassani ilaalluni aqquserngup qeqqaniik 12 meter avammut killeqarfeqar-tussaanera.

Immikkut aaliangersagartaqanngilaq.