0003-L02 - Appat

0003-L02 (gl)

loading image
Henter...
static-map
  • Sumiiffik - illoqarfik / nunaqarfik

    Nunaannaq (Det aabne land)

  • Siunertaq

    Sammisassaqartitsivissatut pingaaruteqartut

  • Atorneqarnissaa

    Nunaminertaq atorneqassaaq najugaqarfiliornermut atortussanullu sunngiffimmi sammisassaqartitsivinnut nunaminertami immikkut sammisassaqartitsivissatut piukkunnassusilinni. Nunaminertaq lejrskolenut atorneqarpoq Annertunngikkaluamik suliffeqarfinnik allanik pilersitsivigineqarsinnaavoq, tamakkua nunaminertap sumut atorneqarnissaatut siunertaasumut akorngusiissanngippata. Piffimmi tamaani annertunngitsumik sunngiffimmi illuaqqanik, illunik aasarsiortarfinnik, piniartut illuaraannik illuaqqanillu ajornartorsiulernermi oqquiffiusinnaasunik pilersitsisoqarsinaavoq. Aqqusinniortoqarsinnaavoq aqqusineeraliortoqarsinnaalluni, ataatsimoorussanillu teknikkikkut atortulersuisoqarsinnaalluni.

  • Pissutsit atuuttut

    Nunaminertaq ilaatigut sanaartorfiuvoq

  • Sanaartorfik

    Illuaqqat illuaqqamut sanilimut qaninnerpaamut minnerpaamik 30 meterinik ungasissuseqassapput. Illuaraqarfiit assigisaallu aamma lejrskoliit portunerpaamik inissiat qaliit marlunngorlugit napparneqarsinnaapput, taanna illumut qalialimmut naapertuuppoq kiisalu portunerpaaffiata 7,5 meter qaangersimassanagu. Illuaqqat annerpaamik 20 m²-inik initussuseqassapput. Illut aasarsiortarfiit annerpaamik 100 m²-inik initussuseqassapput. Turistinut illuaqqiat annerpaamik 200 m²-inik initussuseqassapput. Lejrskoliit annerpaamik 240 m²-inik initussuseqassapput.Toqqaviit annerpaamik pukkinnerpaaffimmikkut 1 meterimik portussuseqassapput. Illuliaq asiunaveersartuarneqassaaq sumiiffimmini takussunarsaataaleqqunagu.

  • Inissaq sinneruttoq

    Nunaminertaq tamarmi 189 ha-t missattut angissuseqarpoq Sanaartukkat naammassineqarnerminni isikkuat apeqqutaalluni nunaminertap sinnerani illuaraqarpoq 20 –it missaannik. Sanaartorfissat qulaani taaneqartut atorneqareerpata tamakkiisumik sanaartorfiusimasutut sanaartorfissaaruttutullu isigineqassaaq

  • Angallanneq pilersuinerlu

    Aqquserngit, bilinut aqqusiat aqqusineeqqallu sanartukkanut illulianullu atatillugit sanaartorneqarsinnaapput. Sumiiffiit innaallagissamik, imermik pilersorneqarnissaannut aammalu igitassanik kuuffilersornerinut teknikkikkut atortorissaarusersornerit pisinnaapput. Imermik pilersuinermi aqqusersuinermut imermillu igitassamik aqqusersuinermi annertunerusumillu nukissiorfiliornermik pilersitsiniaraanni Naalakkersuisunit akuersissummik pissarseqqaarsimasariaqarpoq. Illuaqqanut ataasiakkaartut qanittuini teknikkikkut pilersuiviliortoqarsinnaavoq, soorlu innaallagissiuutit generatorit, seqerngup qinngorneri atorlugit innaallagissiuutit assigisaallu. Nukissiuutit allat immikkoortortami ataatsimoorussamik nukissiuuteqarnermut attuumassuteqanngitsut, atorneqarnerminni nipiliornermikkut, pujuliornermikkut, tipiliornermikkut sajuppilutsitsinermikkulluunniit eqaamiunut akorngusiisinnaasut pilersinneqaqqusaanngillat. Eqqagassat angerlaanneqassapput ikuallanneqassallutilluunniit. Ikuallaanerup sanaartukkanut allanut pinngortitamullu navianartorsiortitsiviunnginnissaa allanullu akorngutaannginnissaa nakkutigineqassaaq. Qattat anartarfissiat anartarfittut atorneqassapput, imaannik imaanut eqqaanermi, nungujartortitsinermi allanut akorngusiinnginnissaq pinngortitamillu mingutsitsinnginnissaq sianigineqassaaq. Illuni pioreersuni kuutsittakkanik anartarfilinni kuutsitap taamatuttaaq iginneqarnissaa isumagineqassaaq

  • Eqqissisimatitat allanngutsaaliukkallu

    B-46 amma B-58 eqqissisimatitaavoq. Illu isaterneqaqqusaanngilaq allatulluunniit silataata isikkua allanngorteqqusaanani Nunatta Katersugaasivianiit akuersisimasoqartinnagu

  • Immikkut aalajangersaaffigisat

    Immikkut aaliangersagartaqanngilaq

  • Immikkut aalajangersakkat

    Immikkut aaliangersagartaqanngilaq