N: Teknikkimut atortulersuutit

Immikkoortut teknikkeqarnermut attaveqaateqarnermullu immikkoortinneqarsimasut assigisaallu, tassaasarput teknikkikkut sanaartorfiit annertuut soorlu imermik nukissiorfiliorfiit allallu pilersuinermut pilersitsinermullu suliffeqarfiusut assigisaallu. Allatut oqaatigalugu tassaapput inerititaqarfiit uumaasusilinnik atuiffiunngitsut. Immikkoortut tamakku ataqatigiissaarneqarnermikkut nunatamik annertuumik atuiffiusinnaasarput.

Sumiiffiit immikkoortuinut aalajangersakkat pingaarnerit ataani takuneqarsinnaapput.

Aaliangersakkat aamma Immikkoortu

Pingaarnertut aaliangersakkat kommunip nunaminertanik sanaartornissamut akuersissutinik agguaassisarnerani tunngaviupput.

 

loading image
Henter...

N-imi immikkoortut imatut katitigaapput:

N1: Teknikkikkut atortulersuinerit

N2: Attaveqaateqarneq

Talittarfiliisoqarsinnaavoq allatulluunniit ittumik umiarsualiviliisoqarsinnaalluni helikopterinullu mittarfiliortoqarsinnaalluni, tamanna teknikkikkut atortoqarfiusuni attaveqaateqarfiusuni assigisaannilu pisariaqartinneqartarmat. Immikkoortuni taakkunani aqquserniortoqarsinnaavoq, bilerfiusinnaasunik aqqusiortoqarsinnaalluni pisuinnartunullu aqqusineeraliortoqarsinnaalluni sanaartukkat najugaqarfiillu akornanni.Teknikkikkut atortulersuutinik pilersitsisoqarsinnaavoq, soorlu innaallagissiornermut imeqarfimmut, attaveqaateqarnermut najugaqarfiillu atserinermut aqqusersorneqarnerinut. Imermik pilersuinermi aqqusersuinermut imermillu igitassamik aqqusersuinermi annertunerusumillu nukissiorfiliornermik pilersitsiniaraanni Naalakkersuisunit akuersissummik pissarseqqaarsimasariaqarpoq.

N1: Teknikkikkut atortulersuinerit

N1-mi immikkoortortat teknikkikkut sanaartukkanut annertuunut tunngasarput, soorlu erngup nukinga atorlugu innaallagissiorfiliornermut imeqarfiliornermul-luunniit. Ukioq naallugu inigineqarsinnaasunik inissialiortoqarsinnaavoq, stationeqarfiliortoqarluni, tammaarsimaffiliortoqarluni assigisaannillu pilersitsiortor-toqarluni immikkoortoqarfimmi suliffeqarfimmut sanaartukkanullu pisariaqartinneqartunik. Suliffeqarfiit tamakkua tupinnanngitsumik sumiiffimmi attaveqaatinik teknikkikkullu atortulersorneqarnissamik pisariaqartitsissapput. Soorunami erngup nukinganik innaallagissiorfik nammineerluni innaallagissamik imminut pilersorsinnaassaaq. Immikkoortuni tamakkunani sunngiffimmi illuaqqiorneq illunillu aasarsiortarfinnik sananissaq akuerineqarsinnaanngilaq, immikkortortat tamakku suliffeqarfinnut taaneqareersunut sanaartukkanullu immikkoortinneqarsimasuummata. Piniartut illuaraannik illuaqqanillu ajornartorsiulernermi oqquiffigineqarsinnaasunik amerlanngitsunik pilersitsisoqarsinnaavoq tasersuup erngup nukinganik innaallagissiorfiliorfissap eqqaani, tamannali aatsaat pisinnaavoq teknikkikkut sanaartorfiup qanitarinngisaani.

N2: Attaveqaateqarneq

N2-mi immikkoortortat atortunik angallassinermi angallassivissiaapput biilerfississiaallutillu nunap timaani angallassissutit motorillit atorneqarsinnaatitaapput. A-ngallassissutit motoorillit tassaatinneqarput angallassissutit motorillit suulluunniit, soorlu remmersuallit assakaasullilluunniit, sikukkut, aputikkut, qaqqatigut narsaannartigulluunniit ingerlasinnaasussatut sananeqarsimasut.

Aqquserngit tamakku suliffeqarfimmut atatillugu angallassivissiaapput, atorneqarnissaannullu kommunep ileqqoreqqusaliorneratigut aalajangersarneqartarpoq.

Sinerissamut pinngortitamullu allamut ungasissuseqarnissamik piumasaqaat

Pinngortitamik illersuineq pillugu Inatsisartut inatsisaat nr. 29, 18. december 2003-meersoq naapertorlugu Tatsit tarajuusumik imeqartut aamma tatsit tarajornitsuusut, kuuit, puilasut kissartut sinerissallu killeqarfiisa avataanni pinngortitami immikkut ittunit ataani taaneqartunit 100 meterinik qaninnerusumi illunik inissiisoqassanngilaq, naasunik orpinnilluunniit ikkussuisoqassanngilaq, naatitsisoqassanngilaq kussiortoqaranilu imaluunniit allatigut nunap pissusia allanngortinneqassanani.

Sunngiffimmi takornarianullu illuaqqat pinngortitami immikkut ittuni taaneqartuni sinerissamiillu 100 meterinik qaninnerusumi inissinneqarsinnaapput, tamanna kommunimut pilersaarusiap immikkoortortap atuuttup aalajangersagartaani immikkuualuttuni aalajangersarneqarsimappat.

Pissutsini immikkut ittuni Naalakkersuisut ungasissutsimik piumasaqaatitut aalajangersakkat qulaani taaneqartut naapertorlugit immikkut ittumik akuersissummik tunniussisinnaapput.