click me

Oqallinnermut peqataagit









Illit illersorneqarnissat peqqutigalugu najukkat





Kommuneplania

Saqqaa / Takorluukkat aamma pingaarnertut iluseq / Killiffiup allaaserinera / Inuussutissarsiutit, ilinniartitaaneq isertitallu

Suliffiit aamma isertitat

Suliffiit

2010-miit 2014 tikillugu agguaqatigiisillugu suliffit 9.150-t missaanniik 8.700-t missaannut appariaateqarsimapput. Taamaattorli 2015-imi suliffiit amerleqqipput, agguaqatigiisillugu suliffiit 8.900-t missarpiaaniillutik.

Nunap immikkoortuinut agguataraanni suliffiit taakku affangajaat (48%) Ilulissani inissisimapput, Upernavimmi Uummannamilu immikkut tamarmik suliffiit sisamararterutingajaannik peqartut. Qaanaami suliffiit ikinnerpaajupput, tassami suliffiit inuit 6 %-iinnaannik inuttaqarmata.

2015-imi Avannaata Kommuniani suliffissaaleqisut procent-inngorlugit 9,1 %-iuvoq, tamannalu Kalaallit Nunaat tamaat isigigaanni, qaffasissutsip taamaaqatigaa.  Nunap immikkoortuini sisamaasunut suliffissaaleqisut procent-inngortinnerat assigiinngitsorujussuuvoq. Ilulissani Uummannamilu suliffissaaleqisut procent-inngortinnerat appasinnerpaavoq (2015-imi 7,5 %-ip missaa), Upernavimmi qaffasinnerulaarpoq (2015-imi 10,2 %-ip missaa) Qaanaamili suliffissaaleqisut procent-inngornerat assut qaffasinneruvoq (2015-imi 21,6 %-it).

Inuussutissarsiorfiit agguataarneqarnerat

Avannaata Kommuniani inuussutissarsiorfiit annerit marluusut tassaapput, pisortat allaffissornerat kiffartuussinerallu (38%) kiisalu aalisarneq, piniarneq nunalerinerlu (31%).

Nuna tamakkerlugu agguaqatigiisitsinermut Avannaata Kommunia sanilliukkaanni, pingaartumik aalisarnermi, piniarnermi nunalerinermilu suliffeqartitsineq annertungaatsiarpoq.

Ilulissat kommunip illoqarfiatut pingaarnertut, pisortat allaffissorneranni kiffartuussinerannilu amerlasuunik suliffeqartitsivoq taamaapportaarlu aalisarnermi, piniarnermi nunalerinermilu. Upernavimmi Uummannamilu aalisarneq, piniarneq nunalernerlu inuussutissarsiutit annerpaartaraat, Qaanaami pisortat allaffissornerat kiffartuussinerallu amerlanerpaanit suliffigineqarpoq, pingaartumik nunap immikkoortuani suliffiit ikinnerpaajunerat patsisaalluni.

Isertitat

Avannaata Kommuniani illoqutigiit agguaqatigiisillugu isertittagaat 2015-imi 403.000 kr.-it missarluinnaaniippoq, tamannalu nuna tamakkerlugu illoqutigiit agguaqatigiisillugu isertittagaannit 8 %-ip missaaniittumik appasinneruvoq. Kommunimi isertittakkat qaffasissusiat, 2018-miilli nunap ineriartortinneqarnera ilutigalugu qaffakkiartuaarsimavoq.

Illoqutigiit isertitaat nalinginnaasumik illoqarfinni qaffasinneruvoq nunaqarfinnut sanilliukkaanni. Nunap immikkoortuini illoqutigiit isertittagaasa qaffasissusaat isigigaanni, Ilulissani qaffasinnerpaavoq Uummannami  Upernavimmilu kommunimi agguaqatiisitsinermit appasinnerulaarluni, Qaanaamilu isertitat qaffasissusiat nunap immikkoortuini sisamaasuni appasinnerpaajulluni.

 




Kingullermik iluarsineqarpoq 6-1-2018

Attaveqarfissaq

Avannaata Kommunia
Noah Mølgaardip Aqq. 9
Postboks 1023
3952 Ilulissat

Telefon: (+299) 70 18 00
plania@avannaata.gl

GER-nr: 37488909