Kommuneplania

Saqqaa / Takorluukkat aamma pingaarnertut iluseq / Killiffiup allaaserinera / Inissiat inoqarfiillu

Inissiat inoqarfiillu


Illoqutigiit

Illoqutigiit amerlassuserisartagaat ataatsimut isigalugu appariartorsimavoq pingaartumillu nunaqarfinni 2007-imiit 2017 tikillugu illoqutigiit amerlassusiat 3,50-ioriarluni 3,17-imiilersimavoq. Avannaata Kommuniani illoqarfinni nunaqarfinnilu illoqutigiit amerlassuserisartagaat, suli nuna tamakkerlugu agguaqatigiisitsisarnermit qaffasinnerungaatsiarpoq.

Najugassittarneq

Avannaata Kommuniata ilisarnaataa tassaavoq, inoqarfippassuaqarnerami – katillugit illoqarfiit sisamaallutik nunaqarfiillu 23-iullutik. Innuttaasut 70 %-ii illoqarfinni najugaqarput taakkulu amerlanerpaartaat Ilulissaniipput, tassa kommunimi innuttaasut katinnerisa 43 %-iinik najugaqarfigineqarami.

2007-imiilli sumiiffiit amerlanersaasa innuttaasut amerlassutsimikkut ikileriaateqarnerat misiginikuuaat. Illoqarfiit akornanni Ilulissat kisimik inuttusiartorsimapput illoqarfiillu sinneri, pingaartumillu Upernavik, innuttaasut amerlassutsimikkut ikiliartorfigisimallugu. Nunaqarfinni arfinilinni innuttaasut amerleriaateqarsimapput, naak ilaatigut amerleriaateqarneq annikitsuinnaagaluartoq.

Nunap immikkoortuini sisamaasuni tamani innuttaasut amerlassutsikkut ikileriarsimanerat misigineqarsimavoq. Ilulissani inunngortartut amerlanerusimapput kisianni nunanut allanut nuuttartut malitsigisaannik innuttaasunik amerlasuunik annaasaqarsimalluni. Qaanaami, Upernavimmi aamma Uummannami inunngortartut aamma amerlanerusimapput, kisianni aamma innuttaasunik annaasaqarsimapput Kalaallit Nunaanni sumiiffinnut allanut nuuttarneq patsisigalugu.

 

 




Kingullermik iluarsineqarpoq 6-1-2018

Attaveqarfissaq

Avannaata Kommunia
Noah Mølgaardip Aqq. 9
Postboks 1023
3952 Ilulissat

Telefon: (+299) 70 18 00
plania@avannaata.gl

GER-nr: 37488909