click me

Oqallinnermut peqataagit









Illit illersorneqarnissat peqqutigalugu najukkat





Kommuneplania

Saqqaa / Nunaminertanik agguaassisarneq / Nunaminertamik atuinissamut qinnuteqarneq

Nunaminertamik atuinissamut qinnuteqarneq


§ 4 Nunaminertamik atugassinneqarnissaq pillugu qinnuteqarneq

4.1 Nunaminertamik atuinissamut qinnuteqaat nassiunneqassaaq Avannaata Kommunia www.nunagis.gl imaluunnit pappiala nalinginnaasumik immersugassaq atorlugu. Qinnuteqaateqartup NIN-applikationen/papirskema immer-soreeruniuk atsioriarlugu kommunimut atsiugas-sanngorlugu nassiutissavaa.

4.2 Nunaminertamik qinnuteqaat suliarinerani piumasaqaataavoq § 54-mi Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersoq, malillugu akigititaasutut aalajangersakkat malillugit akiliuteqarnissaq.

4.3 Nunaminertamut atugassiissut inummut tunngatitaavoq, kikkunnulluunniillu inatsisitigut akuerisaasumut inummut tunniunneqarsinnaalluni, tassalu inummut, suliffeqarfimmut, ingerlatseqatigiinnut, peqatigiinnut assingisaannulluunniit sumiluunniit najugaqarneri angerlarsimaffeqarnerilu apeqqutaatinnagit.

4.4 Inersimanngitsunut nunaminertanik atugassiinernut Kalaallit Nunaanni Rigsombudeqarfimmit ’immikkut akuersissutitut nalunaarut’ ilanngutissaaq.

Nunaminertat inuttaligaanngitsut kommunip nittartagaani nalunaarutigineqartuassapput, allassimappullu NunaGISimi.

Akigititat pillugit tapiliussaq:

Ataani Link-imi takusinnaavatit nunaminertat suliarinerinut akit taakkununnga akigititaasutut tamanut saqqummiussaasut kommunep pilersaarutaata suliarineqarnerani. Akigititat atuuttut takuneqassappata kommunep nittartagaanut innersuussineqassaaq.

pdf Opslag_Arealgebyrer_Avannaata_Kommunia.pdf (129.7 KB)

§ 5 Nunaminertat atorneqanngitsut nittarsaanneri

5.1 Kommunalbestyrelsip kommunip quppersagaatigut ataavartumik, NunaGIS’kkut aamma imaluunnit tusagassiuutitigut, nunaminertat kommuneplanikkut aamma sanaartorfigissaanikkut sanaartorfigineqarnissaminnut periareernerat, nittarsaattarpai.

5.2 Sanaartorfissat nutaat, nunaminertat illuliorfissat aamma peqatigiiffiit siunertaannut atorneqartussat, suli inuttassaqanngitsut, nittarsaassisutigineqartarput sivikinnerpaamik sapaatip akunnerini pingasuni. 

5.3 Sanaartorfissat nutaat, nunaminertat inuussutissarsiutinut aamma teknikkikkut siunertanut atorneqartussat, suli inuttassarsineqanngitsut, nittarsaassisutigineqartarput sivikinnerpaamik sapaatip akunnerini arfinilinni.

5.4 ’Periarfissap kingullliup’ nalunaarutigineqarnerani nunaminertamut ataatsimut qinnuteqartut piukkunnaatillit amerlanerit takussimappata, makitsinikkut aaliangerneqassaaq, nunaminertamut inniminnerneqartumut kina piginnittunngornersoq. Makitsineq tamanut ammasumik ingerlanneqassaaq.

5.5 Qinnuteqaateqartoq tunuassagaluarpat taava nunaminertaq inniminnerneqarsimasoq nittarsaanneqaqqissaaq imm 5.1-5.4-mi allassimasut malillugit.

5.6 Qinnuteqaateqartutut piukkunnaatilittut isigineqassagaanni, minnerpaamik aningaasanik atorfigisamiit uppernarsaammik takutitassaqartariaqarpoq.

5.7 Inuk imaluunniit ingerlatseqatigiiffik nunaminertanut arlalinnut qinnuteqarsinnaallunilu atugassinneqarsinnaavoq. Assersuutigalugu tunisaqaqqinnissaq siunertaralugu illuliornermik suliffeqarfik inissianik arlalinnik sanaartornissamik kissaateqarpat pisinnaavoq, tassalu suliniutip piviusorpalaartuuneranik uppernarsaammik takussutissiisoqarsinna-assappat.

5.8 Inuk ataaseq suliffeqarfilluunnit ataaseq qinnuteqaammik ataasiinnarmik nassiussaqarsinnaavoq, qinnuteqaatitut ataatsitut saqqummiunneqartussamik, aamma inatsisilerinermut tunngatillugu, sanaartorfissamut ataatsimut aamma/imaluunniit nunaminertamut sanaartorfiusumut qinnuteqaatitut, ataatsimik aallaavilittut.

§ 6 Nunaminertanik qinnutaammut piumasaatit

6.1 Nunaminertamik atugassinneqarnissaq pillugu qinnuteqaat makkuninnga takussutissanik ilaqassaaq:

Qinnuteqartup assersuutigalugu suliniutip kommunip Pilersaarusiornermut periuserisaani – 2017-mi Periusissami periussatigut iliuuseqarfissanut naapertuuttuunera erseqqissaavigisinnaavai.

Sanaartortitsisoq kommunip missiliuinera naapertorlugu taarsigassarsisitsisumit tatiginasssusilikkatut aningaasanik pisariaqartitanik pissarsisinnaaneranik uppernarsaasussaavoq. Malittarisassiap oqaasertaasa annertussutsimut naleqqussaasoqarnissaq kaammattorpaat – tassalu sanaartugassatut suliniutip annertussusaanut naleqqiullugu akiliisinnaassutsip naleqquttuuneratut uppernarsaatissatut kommunip tungaanit takorusunneqartumut.




Kingullermik iluarsineqarpoq 8-2-2018

Attaveqarfissaq

Avannaata Kommunia
Noah Mølgaardip Aqq. 9
Postboks 1023
3952 Ilulissat

Telefon: (+299) 70 18 00
plania@avannaata.gl

GER-nr: 37488909