Illoqarfiit nunaqarfiillu


Avannaata Kommunia, isumaqarpoq kommune avannarleq taannalu sisamanik illoqarfeqarpoq kiiaslu 23-inik nunaqarfeqarluni taakkulu kujataani Ilimanamiit avannamut Siorapalummut siassimapput. Kommuni 2017-imi 10.647-inik innuttaqarpoq. Tulliuttuni illoqarfiit nunaqarfiillu ilisarnaataat ineriartornissamullu periarfissaat, kiisalu kommuneplanip siunissami atorneqarnissaanut aaliangersakkat, ineriartornerlu allaaserineqassapput

Illoqarfiit nunaqarfiillu ataasiakkaat nunaminertanut assigiinngitsunik atorneqarfissalinnut aggulunneqarnikuuppuut – nunaminertat illuliorfissat (A), nunaminertat inuussutissarsiuteqarfissat aamma umiarsualiveqarfissat (B), nunaminertat qitiusoqarfiit aamma nunaminertat ataatsimoorfinnut atugassat (C), nunaminertat sanaartorfigeqqusaanngitsut sunngiffimmilu ingerlatanut atugassat (D) aamma nunaminertat teknikkikkut sanaartukkanut angallannikkullu periarfissanut atugassat, tamakkualu aaliangersagartaat pingaarnerit. Aaliangersakkat kommunip nunaminertanik sanaartornissamut akuersissutinik agguaassisarnerani tunngaviupput.

Nunaminertat ilaannut aamma – aaliangersakkat pingaarnerit saniatigut –aaliangersakkat nassuiaasersukkat atuupput. Aaliangersakkat nassuiaasersukkat tassaasinnaapput siusinnerusukkut lokalplaniusimasut imaluunniit kommuneplanip ilassutaasimasut, toqqaannartumik attuumassuteqartut.

Kiisalu illoqarfinnut nunaqarfinnullu arlalinnik aaliangersagaqarpoq tamanut atuuttunik, assersuutigalugu aqqusinernut, biilit unittarfeqarnerinut, qimmeqarnermut, containerinik inissiinernut allanullu tunngasunik. Aaliangersakkat tamanut atuuttut, kommunalbestyrelsip pilersaarusiorneranut, Avannaata Kommunia tamakkerlugu nunaminertat atorneqarnissaat pillugu aqutsinerani, pituttuisuupput.

Kommunimut pilersaarummi aalajangersakkat




Kingullermik iluarsineqarpoq 8-6-2018